Thuthlung thar rawngbawlna, Krista Chanchin Tha puandarha a awm tirh lai vel khan Miten thinlungin an ringa felna an hmu thina- Krista rin avang liau liauva felna chu. A hun laia ringtute tawrhna leh an nun chêp zia ngaihtuah khan, he thinlunga rinna hi miin a neih chuan a khawngaihtu Pathian pawhin a khawngaih ta sa sa a, an dinhmun avanga ngaihhna thiam ve mai awm tak kha ani a. A teuh lo mai. ka in an tana, chhandamna an hmu bawk thin ani a van mak em! Hei hi ilo ngaihtuah ngai em? Kha tih hun lai khan thinlunga rin pawh kha a hlauhawm dawn tehlul nen, midangte hriatah Krista antan athi a, nithum ni ah a tho leh ngei a ni tih kha an ringa an pawm ngeia, atakin a thuzawm turin an in pe ngei ani tih Pathianin ahriat theih nan an kâa an sawichhuah ngei kha phut tel tlat mai ani. Chu chu engnge a awmzia ni ta le? A then azar chauhva rin leh zui aduh lova, tihtakzetin an ringa, atan tawrh atul anih pawhin tawrh an huam takzet ani tih lantir turin a duh a ni. A awmzia tak chu, a zawng zawnga kan hmangaih aphut tihna anih chu. Tihian isawi thin em? Kei chuan azawng zawngin ka hmangaih theilo tiin. Adik ani. I theilo reng ani. Kristaah lo chakna inei si lova. Mahse, ani erawh chuan i zawng zawng kha a phut tlat si. Engtinnge ni ta ang le? Nang leh kei hian azawng zawngin kan hmangaih theilo reng reng a ni tih hi ahria asin. Nimahsela, min hmangaih em avangin aman min hmangaih ang bawka kan hmangaih ve theih dan kawng alo ruahman lawk diam tawha. A hnena kan chen ve theihna turin a Fapa duhlai ngawih ngawih min hlan ta. Fapa, Krista chuan Pathian leh mihringte inkara remna palai hna arawn thawh chu thuawihna avang liau liauvin tihfamkimin a awma. Amah nena lengdun thei tawhlo, amah hmangaih theilo nang leh kei chu Khenbehin kan lo awm ta. Ava mak em! Mihringhlui khengbetin mihringthar Kristaah minung kan lo ni a. Krista rin avanga thupekte zawm chu amah kan hmangaih ve ani tih Pa in lo hriat theih dan kawng alo ni ta. A pawmtlak Thinlunga rinna te, aduhzawng ang zela taksa hlanna leh tihthianghlimnate, tisa dan zawm lova a thu awih leh zawm zelnate, a thu ang zela atana inpumpeknate chu azawng zawnga amah kan hmangaih ve theih dan alo ni ta. Khawngaihtu Pathian avangte, thi khawp hiala thuzawmtu Fapa avang te, kan chaklohnatea min pui thin tu Thlarau avang te chuan Mihring hlui engmah titheilo thihnaah Mihring thar, Kristaa engkimtithei chu dinin alo awm ta. A ropui e lawmin i zai ang u. A thihnaah kan thih tawh si chuan, A nunnaah kan nung ve bawk ang. Kan tuar chuan, A rorelnaah ro kan rel ang; Amah kan phatsan chuan, Ani pawhin min phatsan ang.
Posted on: Thu, 25 Sep 2014 05:18:28 +0000
Trending Topics
Recently Viewed Topics
© 2015