Today’s Quote: Young people, enjoy yourselves while you are young; be happy while you are young. Do whatever your heart desires, whatever you want to do. But remember that God will judge you for everything you do. Ecclesiastes 11:9 TUVALU: 9 Tūpulaga tuputupu, fia‘fia i te tou tūlaga talavou. A koutou ke fiafia kae koi fō‘liki koutou. Fai a mea kolā e ‘loto a koutou ki ei, kae tau‘tali i manakoga o otou loto. Kae masaua me i te Atua ka fakamasino ne ia a koutou i so se mea e fai ne koutou. Failauga 11: 9 TE FEKAU MO KOULUA TALAVOU Fakafetai ki te alofa o te Aliki ko aulia ne tatou tena Aso Tapo po 09 Iuni 2013 e fakamanatu mai ei kia koe mo au i te gasologa o aso o te Tausaga ko nofo kogaloto nei. E pela eiloa mo te la e sopo i te taeao kae fakanaka o tutotu e pale foki i te afiafi ko to ei ki te tai. E tena foki te ata o te olaga o tagata ne faite ne te Atua, e kamata i te pepe, tamaliki, ko talavou ko fanake ei ki te matua. E gasolo o matua te olaga kae pena foki te mafuliga o tau o aso o te olaga mo lasi o fakamanuiaga a te Atua e tuku mai kia taua maise eiloa te olaga Talavaou i te aso tenei ko faipati ki ei a te Poto. Ea nisi ou manakoga ko taunu me koi kausaki eiloa koe ki ei. Nisi ko ake foki foki te fakamoemoega i te salaga o te poto i akoga. Malo koulua fanau a Tuvalu i Kananafou maise te tuatina ko Hosea Alofa Lavata ko sikli tena fakafetai i te taeao tenei ki te Atua aua ko manuia a fakamoemoega ne kauasaki kae samanaki ki ei i aso mo masina mo tausaga kae ko iku ki te manaui. Fakafetai te Atua kae fakamalo te taumafai. E faipati te poto kia koe moau koi talavou i te aso tenei ke faiafai koe i tou olaga talavao. Masaua i te la e se mafai o foki ki tua e pena foki a gasologa o aso o te olaga. Kae ui ei te pule o koe i tau filifiliga kae moa e puli me fakamasinogina foki eiloa koe ne te Atua i au mea e fai. Te poto e faipati kitau filifiliga e pule koe i te tulaga tenei kae sa puli me fakamasinogina foki koe ne te Atua. KO tou fakamasinoga e fai i tulaga o te fai ne koe a mea e loto koe ki ei me mata e tusa mo te loto o te Atua?. Mata e atagina te olaga o Keliso i mea e foliga mai i tou olaga. E taua ke maua ne koe te olaga fiafia koi talavou kae ke faiafia i te Aliki e manakogina e maua ei te manuia mo te filemu. Te fekau a Paulo ki te Ekalesia i Filipi, " Au e fai atu kia koutou, ke faifia koutou kae ke fiafia koutou i te Aliki" Talavou sa fakaoga se te olaga o faifai ki mea e seai se aoga. Fiafia o sal a kola e tumau kae maua ei ne koe te fakamanuiaga a te Atua. I loto i te olaga talavou fakaaoga outou ola mo te Aliki. I te Aso Tapu tenei i Aukilani Niusila ka takitaki te Lotu a te Ekalesia Kelisiano Tuvalu FAGAUA i Niusila ne te Talavou. E faiafia lsi foki au o iloa me ko tamalkiki katoa kola e iloa ne au e seki faiafia i aso mua koi foli kae nei ko manako o ola i te olaga faiafai ki te Muna a te Atua kae ke folafola ne latou ke tu latou o talo e se ma i te Muna a te Atua i te aso tenei. Fakamalo ki te Talavou a Fagaua. E pena foki matou Ekalesia Kelisiano TUvalu MALIETASI i te next Sunday ko te Lotu e takitaki ne Talavou. Tneie te tulaga e fakamasino ei koutou Talavou ne te Aliki i outrou mea e fai i te olaga tenei. Ke manuia koutou katoau fanau a Tuvalu kae sala ki te alauala tonu e takitaki ei ou kalafaga ke pili atu koe ki te ALiki mo tou ola ke aoga mo Iesu. E isi se pese ne fatu ne au mo Talavou o Tuvalu i tausaga e uke ko teka atu kae tenei eiloa koi usu ne Talavou i NIusila nei e fai mai; KO AU TE TALAVOU TE LIMA MALOSI O TE TUVALU NEI MO TE ASO TAEAO FAI AKA LA AU FAIGA KE MATEA KE ILOGA-X2 E GAI EI TAUA MO TE LEI O TUVALU - X 2 FAKAMALOSI MAI TUKU MAI TOU LOTO KE AMO NE TATOU TUVALU I TE VASA SE TIFA LANUMONA ME SE PA FULULUPE - X 2 FAI KOE MO OKU KASOA, TIU EI AU I TE VASA.- X 2 Composed Rev Suamalie N T Iosefa Naisali - 1990 Nui. Fakafetai te Atua alofa mo tau Muna. E matea ne matou te gasolo ki mua o tre olaga mo te lasi mai o au fakamanuiaga ki te olaga Talavou. Fakamagalo mai matou manafai ko fakaaoga se ne matou te olaga. Akoako mai omotou aso koi toe ke tupu matou o ola o fai tou loto o sal kia koe mo tou Malo mo tou amiotonu. Fakamanuia mai matou Talavou katoa ke ola matou o fai tou loto e manuia ei matou. Ona ko Iesu te Sagoge a te Atua. AMEN.
Posted on: Sat, 08 Jun 2013 21:24:13 +0000
Trending Topics
Recently Viewed Topics
© 2015