ULAN ULAN NU RAMADHAN Nyatanudan sa Sha ban temundug dan e kapembaba nu Ramadhan anya. Mapasad e Sha ban na Ramadhan. Marhaba. UMAN PAKAUMA SU RAMADHAN NA SU MGA UMMAH MUHAMMAD S.A.W. NA AREN BANYA PATIMAN A GAKWA NIN: 1.Gilek kanu ALLAHU TA ALA o TAQWAH. Elay ka mambo ka languna Taw anya nana migkabagel su gilek niyan sa masla. Yanin buntal na gapenu su mga Masjid. Benal bun su mga Hadith nu Rasulullah S.A.W. kagena matakapala sa langun tanu uman pakatinguma su Ramadhan na mabagel su hubb tanu ko ALLAHU TA ALA sa yanin amadan na magilek tanu temagak kanu mga wakto nu Sambayang. Pegkadakel a benal su Pedsambayang apya di bun gailay sa Masjid na basta Ramadhan na uman e Bangsamoro na klaro sa pegkategel sa kapedsambayang. Kagena Ngebu ngebu tabiya Nyaba su Isa kanu mana nu Hadith nu Rasulullah S.A.W. a timpo. Makauma su timpo sya kanu ulyanu mga Timpo na Yabu kabbagagama nu mga Ummat ko na timpo nu Ramadhan,na yabu gasugat syaba kanu Hadith na su yanin inuna mangage na su Ilmo nu Dunyaa. Yanin mana yanin napasad na kana Inanglish anya. Tabiya bu ka madakel bun mambo e mga Bangsamoro a pedsemput ko ALLAHU TA ALA,Ramadhan a katitimpuwan nana magilek a benal temagak e isa kanu mga wakto uged na malipus e Ramadhan nana tay ninbu ka diren kabpalumanan keman ka apya kasabot sa Shahada na diniyan dan mangula. Pegkwana mga Taw banya e Agama sa Pedsemputen niyan su ALLAHU TA ALA. Balinganan tanu,Taqwa anya Gilek ko ALLAHU TA ALA na pegkabagel kanu timpo nu Ramadhan. Gilek kanu ALLAHU TA ALA sa mapayag endu masulen nyaba na amengka embityalan sa masulen na nyaba ba e dalem nu Qur an na Tanda sa inikalimu kanu ALLAHU TA ALA upama ka minangad kanu pamusungan nengka e kangalbek kanu mga Inisugu nin nandu kadsangela kanu mga Inisapal nin a engalbeken tanu. Gilek banya ko ALLAHU TA ALA na isa den enya Tarbiyah man nu Ramadhan kanu sekitaw a manusya. Pidtalo Pan nu ALLAHU TA ALA: Bismillah. YAAA AYYUHALLADHEENA AMANUT TAQULLAHA HAQQA TUQAATIHI. Sekanu banan a mga Taw a bangembenal ko ALLAHU TA ALA na ikagilek nu su ALLAHU TA ALA sa patot a kagilek. nandu Ayatan anya FATTAQULLAHA MAAS TATA TUM. Na Galbek nu su mga Kasuguwanu ALLAHU TA ALA endu Ikagilek nu sa Tidto a kagilek. Pangkatanu gilek nu Ummah Muhammad S.A.W. kanu ulan-ulanu Ramadhan na mabagel,kaped a amadanin nana Kategkelanin su mga andang a mawag a mga galbekanin maya kapamelibak,kapekineg sa musics endu ngenpan san a mga galbekan a mawag na gadsangilan tanu enyaba. Enten e makalugur sa nyaba Taqwah ataw ka Gilek ko ALLAHU TA ALA na Isa kanu kaluludup nu Taw Sa Surga nu ALLAHU TA ALA?! Nana Nyabumba man e Pinakamapulu a Pangkatanin ko ALLAHU TA ALA na enten e magilek salkanin a ALLAH. IKA DUWA,IKA TELU,IKA PAT NA ITALUS TANUBU. IN SHAA ALLAH. wassalamo alaikom w.w mapia gay na jum,ah salkitnu tanan...............
Posted on: Fri, 21 Jun 2013 02:54:18 +0000
Trending Topics
Recently Viewed Topics
© 2015