Udinese Pärma Mirànt sinc : al colp äd grasja l’è gnù fòra parchè a ne’t si miga gnù fôra insimma al cross d’al second gol Cassani cuator : mòl c’me un bodèn sul primm gol, propria al conträri d’al zugadòr ca m’arcordäva mi, e l’è bele la seconda partìda su dù, voltär pagina subìt lòmo parchè sämma partì mäl un bel pò Rosi sèz : na gran vòja äd fär e un belisim cros par Cassano, se la condisjòn l’è costa chi parchè g’al da scaldär la panca ? Mendes cuator : petnadura spaventòza, c’la rìsscia äd far partìr na gara d’il petnaduri oribili, e in c’la scuädra chi a’g n’è tri o cuator chi fan a gara, l’an pasè al prèmi l’èra andè a Paladèn st’an vedrämma par col ca s’è vist in camp, oribi c’me la petnadùra Felipe sèz : partìda onèsta e petnadùra da parson’na normäla, insòma al me pär bèle na garansja, pr’adèsa vùnna d’il pochi Gobbi sèz : al pòver Massimo c’me al solit a’g tòca cantär e portär la cròza, i’l l’èn drè a strizär c’me un limòn, prìmma o po’ a’l fa al bòt e a’l scòpia e a’l ciär c’me l’utlm äd l’an Biabiany zero : bèle cl’è ormäj n’an cl’è inguardabil, adèsa a’l s’è fat biond par färla completa, almeno prìmma al se vdäva meno, adèsa al fa infin riflès, andämma bèn ! Pèdor, plusvalènsa ! Valdes zero : Calimero a’g manca ca te’t fag biond anca tì e po’ sämma a pòst, par spavintär i putèn ca fa rabìr a’g n’in sarìss abasta chi’g fìsson väddor ti e Biabiany Paról sinc : äd solit al vèn fòra al second temp, jerdlà inveci a’n gh’è stè gnenta da fär anca parchè coj äd l’Udinèsj’en giòvon e i van al triplo Munari cuator : invisibil, a’v giur ca ne’m ricord miga una so zugäda che vùnna, insòma na gran parsonalitè par prinsipiär Cassano sèz : primm gol e l’unic c’al pòl piär la lùza ( fin che al Mister a ne’s decidrà a mèttor su Sansòn subit ), na cuälca scleräda inutila, ma costa nisòn a’l pòl dir ca ne’s l’aspetäva miga, e ad ogni modo ogni bala c’al tòca a gh’è da lisärs’i barbìz Amauri sèz : con col pòch c’ag riva li davanti a’l fa fin tròp, un po’ äd fortòn’na in pù e riva anca i gol parchè al ghe va sempär zvèn, l’important l’è miga molär Donadón cuator : Mister sämma in confuzjòn un bel po’ ? a mi a’m sa äd si, a’m permèt d’insistär ! la primma medzèn’na par curär c’la frèva chi la’s ciàma Sansòn, dòpa c’ag pensa lù a catär al modulo giùsst l’è al so mestèr, ma Sansòn al g’ha da zugär sempär sensa tanti bali, second mi e second tutt Maja d’al centenäri sent : sent c’me j’an, sent c’me blèza, sentvìnt c’me al prèzi, però mi l’ho tôta e bèle misa in cornìsa, anca parchè la spura tant c’la ne’s pol miga mètor AVANTI CROCIATI
Posted on: Tue, 03 Sep 2013 21:07:47 +0000
Trending Topics
Recently Viewed Topics
© 2015