VC then dilna chungchang Congress Media Cell in sawifiahna siam Serchhip Block Congress Comtt. Media Cell chuan nimin khan thuchhuah siamin tunlai hian Serchhip Village Council siam belh tumna boruak a awm mek a,hma latu ten VC thar siambelh remtihna VCP te ziahtir an tum chu VCP ten an la sign lova, VC thar siam emaw tihdanglam emaw hi Ruling Party tih tura an ngaih vang a ni an ti. Congress Media Cell thuchhuah chuan July ni 5,2014 (Inrinni) zing dar 7:30 a Serchhip Block Congress Vice President Pu V.Thanseia IN Hmar veng a Serchhip Block Congress OB leh Ruling Party VCP thukhawmte chuan, “VC thar din tumna thil tul reng reng chu Serchhip Block Congress Committee kutah ngaihngam takin kan dah a, an hmalakna hi kan ring tawk a ni’’tih Resolution siamin pass tih an tarlang. An thuchhuahin a tarlan zel danin Serchhip Block Congress hruaitute chuan VC thar siam tumna chungchang hi CM Pu Lal Thanhawla leh LAD Minister Pu PC Lalthanliana hmuin Dt 3&4, 2014 khan an sawipui a, tluang taka hma la mek zel a ni a. Health Minister Pu Lalthanzara pawh hmuin JN Hospital Serchhip a Doctor indaih lohna pawh an sawipui a, a rang lama chinfel dan kawng zawn a lo tum thu Minister chuan a lo hrilh bawk niin an tarlang.
Posted on: Mon, 07 Jul 2014 00:53:17 +0000
Trending Topics
Recently Viewed Topics
© 2015