Via Serius Swapper Assalamualaikum. Cerita ani terjadi arah aku sama kawan2 ku masa taun lapas yang terjadi di empire hotel sama rumah kawan ku. lupa ku bulan berapa. kisahnya cemani, kami ni andang selalu lepak malam2 lapas kan buang stress sorang2 pasal keraja mahupun college. malam atu kami lepak di empire arah dakat swimming pool apa tu, lepak saja2 cerita2 apa. tempat urg besantai dakat pantai atu. andang kami selalu lepak sana la kirakan. kira2 dalam pukul 11lalu kali kami sampai. ramai kami time atu. yang ada aku, abgku, si nazmi (BNS), pijul(BNS), faiz(BNS),si amal(BNS), zirah(BNS) sama si pikah(BNS). lepak punya lepak, inda sadar jam menunjukkan pukul 12lalu sudah. sunyi berabis dah disana. yang ada kami saja tu time atu. lampu2 lagi banyak kana tutup dah. kali kan mulih la kami kan. time otw balik ke entrance atu, kami lintasi pukuk dakat jacuzzi atu, kami jalan sama2. kira inda jauh sama yang lain. kali inda semana-mana si amal gatal tia mulutnya menagur. nya "eh siapakan tu menangis malam2 ani?" kali aku sama kawan2 ku cakapi la jangantah ditagur. chill saja bejalan ni. kali ditagurnya lagi, nya "eh kesian ah bunyinya menangis. inda kamu dangar ka?" kami semua inda tedangar ah. kami tedangar angin saja. maklum dakat pantai. dalam hati ku, indakan ada urang lagi disana malam2 cani. tani jua saja yang ada. tapi kambang bulu tarus sorang2. awal2 si pijul ni bejalan belakang sekali dari kami. kali sudah si amal tagur tagur cematu, lari kedia kedapan. cali la larinya cam cartoon. mcm lari2 anak ah. supaya inda ketara ya takut. badannya basar pulang. hehe. aku sama kawan2 ku yang lain ni chill saja pelahan jalan. kali sudah sampai arah escalator kedua tu menuju naik, si amal ni toleh kebelakang. kali nya si amal "baiktah laju2 naik ahh. ya ikut ah." nampak ketakutan la yaa. kami pun menurut laa. tanpa pandang kebelakang. laju2 tah kami ni menuju kebasement kan kekereta. kali nazmi ni terasa ada something ikutkan kami dibelakang. sudah sampai kerita, sorang2 diam sama tarus balik lah. kali sudah keluar dari empire, si nazmi inda lagi terasa mcm kana ikuti. so balik tu kami sorang2 pun mandi lah. lapas tu betext tah kami arah group whatsapp. kami marahi la si amal ni pasal menagur apa. kalil nya "awal2 aku nampak bini2 atas pukuk ah time otw ke escalator tu. kali malas ku tagur. tau2 time naik escalator kedua tu, toleh jua kebelakang. tau2 ikutkannya tani ahh naik.baju putih rambutnya panjang. si dangan tu time atu arah escalator bawah sekali kan naik" kami semua kambang bulu lah time si amal text catu. kali esuknya si amal ni damam panas tia. sorry if inda berijab. kisah kedua time dirumah kawan ku. time atu aku, abgku sama si nazmi liat movie rah rumah kawan ku ni. si faiz (BNS). liat movie kai projector. siuk punya siuk, aher dah masa tu. lam kul 2lalu kali. so nazmi decided kan tidur rah rumah si faiz ani. aku galat pulang banarnya. bukan apa, lain rasanya tidur rumah urg ani. tapi atas desakkan si nazmi ni, mau inda mau, tepaksa laa. kami ni tidur arah bilik tamu dibawah. kali aku ni payah kan tidur time atu. pasal inda biasa tidur dirumah urg. aku masa tu mcm setangah tidur setangah sadar. nya urg tidur tidur ayam. haha. aku sama nazmi ni tidur dilantai beralaskan tilam nipis saja. si nazmi ni tidur sebalah ku. kali ada ku rasa tangan menggamit punggungku ani. sekali ku tuleh, si nazmi jauh berabis dari tempat aku tidur. aku tidur membelakangi kedia. heran laa ku. time atu si nazmi ani bekuruh sudah tidurnya. aku pun buat mcm nada saja. tidur ku balik. kali inda batah atu, bantal damit pakai ku tutup kepala ku, terasa mcm kana angkat ah. ku pikirtah si faiz ani mengacau. sudah ku angkat bantal tu, tau2 nada urg. memang kambang bulu ku. tidur tah ku balik sampai pagi. paginya tu ku ceritakan la arah durang. kali nya si faiz ni ruang tamunya tu andang berisi sikit. sorry ah if boring. base on true story pulang ni. terpulang kepada individu kan pecaya or inda. Sekian.
Posted on: Sun, 21 Jul 2013 12:35:26 +0000
Trending Topics
Recently Viewed Topics
© 2015