WILLEMSTAD.- Koriente ta bai subi>:O, den e kaso aki ku 5 sèn. Manera ya a bira parti di maneho, tur fin di luna gobièrnu ta adaptá tarifanan di awa, koriente, gasolin, gasoil i si mester tambe gas. E luna aki entrante 4 di novèmber tantu gasolin komo gasoil ta baha. •• WILLEMSTAD.- E hóben Jonathan G. a pidi despensa na famianan di e víktima Jesus Lopez kende a pèrdè su bida soketamente den un atrako unda nan a kita apénas 50 florin for di dje. Segun e hóben el a partisipá ku su amigunan pa hunga hòmber. Jonathan (17) a presentá den korte ayera tardi akusá ku dia 17 di febrüari 2013 el a partisipá den e kaso di atrako aki ku a tuma lugá den e bario di Kanga. •• WILLEMSTAD. – Dia 29 di òktober último Korte di apelashon a trata e apelashon di Burney Fonseca sospechá di ta metí den kaso asesinato Helmin Wiels, kaso ku a haña e nòmber investigashon ‘Magnus’. Fonseca a apelá e desishon di hues komisario di dia 14 di òktober kaminda ku hues komisario a prolongá su desishon ku 60 dia mas. E petishon a wordu rechasa. •• WILLEMSTAD.- Ayera riba brùg di ponton (Emmabrug) un turista a kai i fraktura su pia. Ambulans mester a subi riba brùg pa duna e turista asistensia i transport’é pa poliklínika despues. •• BTP&U A LAGA TRAHA FITNESS CENTER PA SU EMPLEADONAN WILLEMSTAD.- Dokumentonan ku ta mustrando ku Büró Telekomunikashon, Pòst i Utilidat no solamente tin hopi plaka pero alabes sa kon pa gasta e plaka aki bai gol!!!! BTP&U ta kontratá servisionan di konsultadó lokal òf djafó pagando nan sumanan kuantioso na florin, dòler òf euro. •• WILLEMSTAD.- E akusado Sojeanne Mongen a pidi korte pa no wak su pasado, no wak su karchi di kastigu, pero di otro banda e tampoko no ta hasi nada pa su futuro, ketu bai e ta sigui kometé krímen i bai será. E biaha aki el a haña un sentensia di 30 luna di prizòn pa menasa, maltrato i posishon di outo hòrtá.
Posted on: Sat, 02 Nov 2013 15:32:12 +0000
Trending Topics
Recently Viewed Topics
© 2015