Xiddiga kooxda Real Madrid ee Ronaldo ayaa hoosta ka xariiqay in uusan dan ka laheyn arinta la xariirta hishiiska cusub ee Barcelona kooxda ku keenaan xiddiga reer Brazil ee Neymar . Ronaldo oo wariyaasha ay su`aashaan ku weydiiyeen Singapore oo uu fasaxiisa sanadlaha ah ku qaadanayay ayaa yiri ” ma daneeyo waxa ka dhaca Barcelona , aniga waxaan u ciyaaraa kooxda ugu fiican aduunka , kaliya waxaan daneeyaa kooxdeyda”. Rajada kooxdiisa Real Madrid ee xilli ciyaareedka dambe ayuu Ronaldo ka yiri ” waxaan dooneynaa in dhamaan aan ku guuuleysano tartamada aynu ku jirno , ka dib xilli ciyaareed niyad jab ah oo na soo maray”. Waxaa xusid mudan in Real Madrid oo haatan yeelatay tababare cusub in xilli ciyaareedkii hore ay ku dhameyseen bilaa koobab , waxaana hogaaminayay Jose Mourinho . Ronaldo ayaa waqti hore oo shalay ah sheegay in uu u xiisay horyaalka Ingiriiska sidaas oo ay tahay uu ku faraxsan yahay kooxda Real Madrid oo uu sheegay in ay tahay kooxda ugu fican aduunka .
Posted on: Thu, 04 Jul 2013 17:20:30 +0000
Trending Topics
Recently Viewed Topics
© 2015