flash = fake life >> فاكره تجربتنا دي يا اسماء >>من ضمن التقليب ف lلبوستات القديمه ______________________ (تجربه كل واحدة ممكن تبقي عايزة تجربها زي حالاتي بس أتعلمت ) مش هنسي يوم ما روحنا الأوبرا .. البدايه ان صاحبتي كان معاها تذكرتين للأوبرا وصاحبتي أقنعتني نروح الاوبرا ونحضر حفل تسليم جوايز لبعض الفنانين ..انا وافقت لاني بصراحه أول مره هروح الاوبرا .. وأول مره هشوف فنانين ..وهعيش ف الجو بتاعهم لمدة ساعات أو دقايق علي الاقل .. المهم احنا أول لما وصلنا .. لقينا أحد الممثلات بتجري حديث صحفي والمفروض اننا نعدي .. أنا وطيت أووي ومشيت من وراها انا وصاحبتي علشان مانظهرش ف الكاميرا ... ودخلنا القاعـة ....................!!! أنا (يغلب عليا الذهول والدهشة التفت يمينا ويسارآ كأني طفلة صغيرة ضلت طريقها) : أيه العالم ده يا أسماء هما الناس دي شكلها كده ليه؟! .. هي (بصوت يغلب عليه الرأفة ) : هههههه عادي يابنتي تعالي بس يا سمر نقعد الاول (ثم أمسكت بيدي لتحد من تلك الحيرة التي امتلكتني) أنا :هنقعد فين يا بنتي انتي مش شايفة الناس أد أيه ؟! لأ خلينا واقفين هنا أحسن .. هي (بكل ثقه) : يا بنتي أحنا لينا تذاكر يعني مكاننا موجود .. واذا بوالد اسماء يقابلنا ويشاور لنا بالجلوس علي المقاعد التي قام بحجزها لنا ف الصفوف الاولي من القاعه.. وجلسنا وأنا أراقب تصرفات البعض .. لاشاهد كيفيه التحدث والسلام والمخالطة ف هذا العالم وماهي هي الا دقائق حتي أستوقفتنا أحدي الزائرين وهي ترتدي اغلي الثياب وأطيب العطور وتتزين بألمع الجواهر (شبه عروسة المولد من الاخر وعلي وشها كيلو بودرة) قالت لنا : لو سمحتوا ممكن ترجعوا ورا لأن المكان ده بتاع ناس مهمة .. لو سمحتوه انتي وهي اتفضلوا ورا.. انتوا ازاي تقعدوا هنا اصلا؟؟ ردت صديقتي : بس المكان ده حسب الدعوه واحنا معانا دعوتين .. فردت السيدة بغضب شديد : أنا قولت اتفضلوا ورا لو سمحتوا بتكلمنا وكأننا بنطلب منها أكل .. الغريب ف الامر ان ف عز غضبها والكاميرا طبعآ مغطية الاحداث كلها أول لما الكاميرا جت عليها ابتسمت ابتسامه ساحرة ف لحظة لدرجه اننا افتكرناها واحده تانيه .. ورجعنا ورا .. والفنانين والموسيقين والمخرجين والمونتجين بيتوافدوا من كل مكان .. والوشوش الصفرا والضحكات المزيفه بتنطق علي وشهم .. وبدأ الحفل .. بصراحة أنا كنت فاكرة اني هبقي مبهورة اني بشوف ممثلين مشاهير وغيرهم ... بس حصل العكس تماما .. اثناء الحفل أنا كان كل تركيزي ايه اللي بيحصل ورا الكواليس ولولا اني ف نفس المكان كنت ماصدقتش ان اللي بيظهرلنا ع الشاشه حمادة واللي ورا الكواليس حماده تاني خااااااالص ..وببص بالصدفة علي صاحبتي لقيتها بتكتب ع الفون بتاعها(flash=fake life برغم اني كنت مبسوطه اني زورت مكان جديد مع صاحبتي سومة.. بس اتعلمت كتيييييييير اوووووووووي من اليوم ده وحمدت ربنا علي نعمة الستر اللي انعم علينا بيها
Posted on: Tue, 01 Oct 2013 23:27:08 +0000
Trending Topics
Recently Viewed Topics
© 2015