kal poora din der shaam tak Gwalior main Gujara . . . Kuchh Bhajpai Musalmaano ne ( Dar Asal ve Congressi Musalmaan hain aur BJP core group ke logo se jude huye hain ) Bataaya ki Digvijay Singh ka Burka Topi wala Bayaan to sahi hai , lekin aankde galat hain. Asal main 10,000 Burke Topi nahi baante gaye , balki 42 Hazar Burke Topi Baante gaye hain. Rail ke Ticket aur Kuchh logo ko reservation free diye gaye, Musalmaano ke liye alag se Busses ki vyavastha ki gayi . . . . . Gwalior se 50... Morena se 37 ... Sheopur se 18 .... Bhind se 31 Musalmaan kal ki BJP ki Bhopal ralley main Gwalior Chambal se gaye. Ye saare hi Musalmaan Congressi the. Doosri Baat ye mili ki Poore hi Lashkar main aur Morar avam Gwalior teeno hi shahar main Bijali ki aur sadko ( Roads) ki halat bahut zyaada kharab hai, Morena se 100 guni adhik sthiti kharab hai. Ham nahi jaante ki Gwalior wale kyon is sambandh main zikra Face Book par nahi karte albatta Gwalior wale bahut pareshan hain Bijali katauti se aur sadko se , anek jagah to sadko ke naam nishaan tak nahi bache hain. Bahoda pur ki ek sadak par to Narendra Singh Tomar ne ise vidhaayak nidhi se banwaya, aisa board vahan laga huaa hai , Board to aaj tak vahan jas ka tas laga huaa hai , lekin sadak vahan par gaayab hai. Bijali Kayi kayi ghante gul rahti hai Gwalior main, log 24 ghante vahan Shivraj Singh ko aur Narendra Singh Tomar ko gariyaate rahte hain. Gwalior ki maha pour Samixa Gupta ki haalat bahut kharab hai , bahut gaaliyan pad rahi hain Gwalior main Samixa Gupta ko. Isi tarah congress vidhaayak Praddyumn Singh Tomar aur BJP ke mantri Anoop Mishra aur Narayan Singh Kushwah ki haalat bahut kharab hai, Log inhe jam kar gariyaate bhi hain vahaan par aur khul kar ekdam se openly kahte hain ki ye log vahaan se bahut buri tarah se haarenge. . . BJP Pradesh Adhyaksh Narendra Singh Tomar ke putra Devendra Pratap Singh Tomar alias Ramu . . Chunaav ladne ja rahe hain . . . . Gwalior BJP aur Bjym ki top leader ship se charcha main pata chala ki Ramu ko Gwalior Seat se ya fir Morena Jila ki Dimni seat se chunaav ladane ki taiyaari ki ja rahi hai. . . . Sambhaavna ye bhi jataayi gayi ki 90% chance ye hai ki Ramu ko Dimni se chunaav ladaya jaayega, keval 10% chance hi Ramu ko Gwalior seat se chunaav ladane ke hain. Iska tarq ye diya ja raha hai ki agar Ramu Dimni seat se chunaav haar bhi jaayega to uske rajneetik career par koyi negative asar nahi padega , parayi seat kah kar pind chhuda liya jaayega aur agle vidhan sabha chunaav 2018 main Ramu ko Gwalior seat se ladaya jaayega. . . . . .
Posted on: Thu, 26 Sep 2013 02:41:00 +0000
Trending Topics
Recently Viewed Topics
© 2015