real love story Kehte he pyaar hum nai karte par ho jaata he. Magar me is baat ko nai manta tha. Kabhi nai. Mere cousine ko uski g.f. k saath baat krte dekhta to muje lagta k me bhi kise girl se baate karu. Me bhi ase raat bhar jaagu. Me bhi use milne jaau. Bahot sare sapne dekhta dil ko pyar karne ke liye zor deta. Magar kuch nai hota. Uske baad ak ladki dikhi. Usse muje koi fealing nai thi. Bas wo kabhi bhi mere saamne se guzarti to wo mere saamne dekhte rehti aur me uske saamne dekhta raheta. Uski nazar ka to pata nai magar me use pyaar waali nazar se nai balki is liye dekhta ke muje lagta tha ke “JAB USKO DEKHNE ME SHARAM NAI AATI TO MUJE KYU AAYE?” isi liye me ak tas usko dekhta raheta aur who muje. Bas asa hi tha me. Bindass. Kabhi kabhi sochta ke shaayad wo ladki paagal he yaw o bhi shaayad ye sochti hogi ke muje dekhne me saram nai aati to use kyu aaye! Waqt chalta gaya. 11th standard pass kar liya aura a gaya 12th standerd me. Wo karan nagar road par hi raheti thi aur me bhi karan nagar road par rehta tha. To vacation me bhi kabhi kabhi who dikh jaati muje. Aur wo dekhne waala silsila zari rehta. Fir ak din socha ke kyu na isi ladki ko me propose karu? Kyu na isi ko apni girlfriend banau? Aur who sab karu jo mera cousine uski g.f. ke saath karta tha. Fir socha ke us ladki ko propose kar hi deta hu. Do baar uske paas gaya magar bina bole yaa to usse sidhe sidha chala gaya yaa to waapis aa gaya. Himmat nai ho paai usse baat karne ki bhi. To propose to bahot door ki baat thi. Tab peli baar pata chala ke dekhne tak to theek he magar baat karma koi aasaan kaam nai he. Aur jaha tak baat propose kit hi to me usse baat nai kar paa raha tha to propose kese karta? Tab jana ke propose karma koi aasan kaam nai he. Fir wo kehte he na ke “UPAR WAALI KE NAGRI ME DER HE MAGAR ANDHER NAHI” shaayad mere liye wo upar wala mera apna dost tha. Uska naam tha dhruv. Uski girlfriend us ladki ki friend thi. Kyu ki who dono sath me ak hi tution me jaate the. Aur English ka tution ham ak hi sir ke paas jaate the. Girls ke tution ka time tha dopahar 3 se 4 aur hamara 4 se 5. magar bhala ho us sir ka ki dhruv ki girlfriend aur who ladki dono unke yaha tution aate the. Mene dhruv se baat ki. Aur dhruv ne is bare me uski girlfriend ko baat ki. To uski girlfriend ne pucha ke kon he who ladki koi clue to do. Magar muje kuch pata nahi tha. Na uska naam na ata na pata . bas itna pata tha ke wo smaks pahenti thi. Kabhi kabhi pahenti kabhi nai. To mene use itna hi clue diya. To wo boli ke asi to 3 ladkiya he us tution me jo kabhi kabhi chashme pahenti he to kabhi kabhi nahi. Tum uska huliya batao wo kesi dikhti he? Tab dimaag me kuch aur aaya nai to mene kaha ke “HEROIN JESI” wo hasne lagi. Fir usne kaha ke mushkil he pahele to yeh dekhna ke wo ladki akhir he kon, Fir bhi me dekhti hu. Mene kaha ok. Thodi jaan me jaan aai. Aur fir muje jis baat ka dart ha wahi baat hui. Dhruv ki girlfriend ne galat ladki ko mera propose kar diya. Bahot dhamaal hui. Magar fir sab handle bhi ho gaya. Usne fir sahi girl ko bhi kar diya propose. Us ladki ka naam tha komal bilkul uske chehre aur personality ko suit karta hua naam. Gajraj society me raheti thi. Aur wo mistry thi. Shaant bholi bhaali. Jyadatar shant bethne wali. Bina kaam kisi se baat nai karti. Aur wo darti bahot thi. Ye sab dhruv ki girlfriend se information mili. Lekin wo kehte he na. “rasta jesa bhi ho bich me kahi na kahi patthar mil hi jaata he.” Shaayad wo patthar thi divya. Komal ki kareebi dost. Bahot nakchadi. Pata nai usko ladko se kis janam ki dushmani thi? Ladko se ladti rehti. Sabhi ladko ko bure samajti. Ab me kesa hu wo to me nai jaanta magar pata nai mujko dekhke wo jese ak dum jwaala ke jese sulag uthti thi. Pata nai kyu? Mene uska kya bigada hoga? Is janam me yaa shaayad agle janam me. Ab us divya ne komal ko bola ke agar wo kisi bhi ladke ke proposal ko accept karegi to wo usse baat nai karegi. LO ho gai na problem. Ye baat jaanne ko mili to kuch ajeeb sa feal hua muje pehli baar. Aur mujse boora haal to komal ka tha. Kyu ki usko to abhi tak pata nahi tha ke use kiska proposal aaya tha. Kyu ke ye sab bahot jaldi ho raha tha. Shaayad who bhi confused ho gai hogi. Fir dusre din wo English ka tution jaha ham ak hi sir ke waha jate the. Us sir ka tution tha. Girls ka tution khatam hua aur boys ka hua. Par ham boys ki aadat thi ki girls 6oot jaae uske baad 10-15 minute ke baad hi ham upar jaate tution ke liye. Us din bhi sabne yahi kiya magar me jese hi girls utar gai fatafat upar chadh gaya. Sabse pehle. Aur balcony pe aake khada reh gaya komal ko dekhne. Tab usne muje dekha. Dhruv ki girlfriend ne dikhaya. Tab shaayad use laga hoga ke.” Oy teri ye to wai he.!” Shaayad, ya shaayad usko pata nab hi ho!. Magar us waqt use ye pata zaroor chala ki wo proposal mere taraf se tha. Us sham kariban 8 baje honge. Dinner kha liya tha. Galti se mobile t.v. par reh gaya tha mera. Aur me upar padhne chala gaya tha garpe. Aur niche papa aur mummy t.v. dekh rahe the. Us waqt dhruv ka call aaya. Mom ne receive kiya aur fir muje bulaaya. Mom mere paas hi khadi thi. Mene jese hi hello bola to dhruv khooshi me ho asa laga aur zor se bola. “ BAAPU PARTY”. Mene bola bhai kyu? Kis khushi me? To wo bola ke komal ne….. Mene itna bhi poora nai soona. Sirf komal suna ki turant mene call kaat diya. Kyu ki mom paas me hi khadi thi. Fir mobile leke upar gaya. Aur fires dhruv ko call lagaya. Fir kaha kea b bol detail me. To usne kaha ke komal ne haa bol diya. Baapu ab to party. Mene kaha agar tu sach bol raha he to defiantly party. Sach bol be mazaak na kar. Par wo sach bol raha tha. Komal ne haa bol diya tha. Dil me ajeeb si khooshi mehsus hui us din. Me naachne laga. Wahi ke wahi. Fir dimaag me aaya kea be gar me hu nachna bandh kiya. Saari raat nind nai aai. Pata nai kyu.? Fir doosri shaam ko me provision store pe kuch lene gaya tha. To komal wahi provision store par khadi thi. Par muje dekh kar wo thodi dar gai aur jaldi se nikli waha se. me bhi uske piche piche gaya. Dusre provision store pe. Magar wow aha se bhi chali gai fir ghar. Us waqt who bhi gabhrai hui thi aur me bhi. Meri to dhadkan bahot hi tez ho gait hi. Abhi bhi dil manne ko taiyar nahi tha ke she is my girlfriend. Usne haa bol diya!!!! Muje to wo bhi samaj me nai aa raha tha ke usse baat kya karu? Fir socha mera ye cousine kis din kaam aayega? Usse hi poochta hun. Use call kiya. Usse mene bolaki yaar propose bhi kar diya. Ha bhi bol di usne. Magar jab bat hogi to baat kya karunga me yaar? Muje to kuch samaj me nai aa raha. Tab usne bola ki bhai tu fikar na kar. Tu sirf usse baat kar. Kya baat karni he wo to apne aap tere samaj me aa jaegi. Tu bas use call karegana tab apne aap saari baate nikalti rahegi dimaag se. mene kaha okk. Tab jake yaad aaya ke yaar. Mene to usko abhi mera number bhi nai diya aur na mere paas uska number he to baat kese karenge? Aur dusri problem ye thi ki me koi sim card permanent nai rakhta tha. Har hapte mera koi naya hi mobile number hota. Us waqt mera pas uninor waala number tha. Fir us number ko mene permanent karne ka fix kiya. Aur us number ko permanent kiya. Wo problem solve ho gai. Ab dusri problem ye thi ke komal ko aakhir number de to de kese? Fir socha ke dhruv ki girlfriend ko kahete he. Wo de degi mera number use. Magar wo kehte he na “ JAB LAGTI HE TO POORI LAGTI HE.” us time dhruv ki girlfriend aur us nakchadi divya ke bich zagda ho gaya. Aur divya hamesha komal ke saath rehti to ab dhruv ki girlfriend ko number den eke bare me kehne ka sawal hi paida nai hota tha. Bahot mushkil tha. Kyaa karu? Kya naa karu? Kuch samaj me nai aata tha. Ab numbr deneka kaam muje khud karma tha. Aur bhagvaan ki maherbaani se ya shaayad us nakchadi divya ki hi maherbaani se dusre din wo chance mil gaya. Divya aur komal dono bicycle leke school aate the. Magar us din komal bicycle nai laai thi. Aur railway cross par dusri side pe jaane ke do raste the. Jisme ak raste se bicycle nai jaa sakti thi. Magar chalet koi bhi jaa sakta tha. Aur wo rasta short tha crossing se. to me to kahunga ki us railway cross ki bhi maherbaani ke wo apni jagaah tha. To komal short way se nikal kar dusri side divya ki wait karti khadi thi. Tab chance leke me aur mere dost fatafat bike leke waha pahoch gae aur divya ke aane se pehle ak purchee me mera number likh ke komal ko dekhte wahi fenk ke chale gae. Shaayad ye divya ne dekh liya tha. Mene mudkar dekha magar shaayad komal ne us parchee ko nai uthaaya tha. Man me to hua ke saari menat bekaar gai. Gai bhens paani me. Bahot hi bada chance haath se gaya. Dopaher ko uske call ka intezar kiya magar nai aaya. Fir laga ki usne number nahi liya hoga. Fir tution chala gaya. Mobile ki battery low thi to tution se ghar aake mene mobile charge karne lagaya aur. Paani pine gaya. Tabhi mere dost ka call aaya. “baapu fatafat idhar pahoch jaa komal aa rahi he saamne se tution se.” mene kaha ki kaha ho tum sab abhi? To usne kaha ki doctor ground ke saamne hi khade he. Me fatafat bhaaga waha se mobile ghar pe hi rakha aur scooty leke sidha waha. Wo gai dekha mene use. To us waqt mera dusra dost manish bhi khada thaw aha usne mere paas se scooty ki chaabi maangi. Start ki aur bola ki chal baith ja. Muje laga ki kaam hoga use kuch to me baith gaya. To usne scooty bhagai komal ki aur. Komal aur divya hamesha ki tarah saath hi the us waqt. Fir bhi manish ne scooty unke paas khadi kar di aur bola. Ashish bula raha he. Komal thoda muskuraai wo shaayad dekha mene. Fir sar nicha kar ke manish ko bola chal nikal yaha se jaldi challlll. Ham aage jaake khade rahe. Wo dono bhi udhar pahuche. Divya dhamki deti gai ke sir ko bol degi. Mene bola ok. Bol dena. Fir waapas aaye manish ko waapas drop karke me ghar aaya. Gar aaya bahar scooty park ki ki mom turant bahaar aai. Uska face thoda gusse me lag raha tha. Muje laga ki kahi kisi ne muje dekh to nahi liya na jab ham scooty me gae the tab!! Lekin jab me andar gaya to mom boli kisi ladki ka call aaya tha kon he wo? Me bola muje nai pata bhala mere mobile pe kisi ladki ka call kyu aayega yaar? Wrong number hoga. Aur us waqt meri bhi mati maari hogi ki mene waapis fires us number pe call kiya. Saamne se awaz aai. “hello kon?” me bola me ashish apne mere number par abhi call kiya tha aap kon? Wo boli me komal bol rahi hu. Abhi tum muje bula rahe the kuch kaam tha? Mene turant call cut kar diya aur mom ko bola ke wrong number he. Aur us din gayatri mandir pe hamari aarti thi to me fatafat gar se nikal gaya. Aur ak taraf uske call aane bhi bandh nahi ho rahe the. Calls pe calls. Calls pe calls. Mene message kiya ke thodi der baad call karta hu. Fir bhi calls pe calls. Bahar jaake mene call kiya use. Fir se wahi sawal kya kahena tha? Mene fatt se bol diya “I LOVE YOU” wo thodi der tak kuch nai boli. Mebhi kuch bole bina uske answer ki raah dekhta raha. Fir me hi bola kya hua? Komal: kuch nahi. Me: to choop kyu ho gai? Komal: ase hi. Pahele kisne call receive kiya tha? Me: are meri mom ne receive kiya tha call. Komal: accha me to gabhra gait hi. Me: in fact ye to bataao mera number tumhare paas kaha se aaya?? Komal: tumhi ne to diya tha bhool gae? Me: are tumne wo parchi uthaai thi? Mene to nai dekha. Komal: divya ne uthai thi. Fir usne wo parchi faad di. Me: to tumhe mera number kese mila? Komal: mene yaad kar liya tha. Me: oww really? Kya baat he yrrr? Komal: koi baat nai. Me : ok ok bolo kya kar rai ho? Komal : kuch nai. Me: bas? Komal: aur haa. Please hamare relation ke bare me kisi ko pata nai chalna chahiye. Aur divya ko to bilkul bhi nai. Me: accha baba accha. Aur kuch? Komal: kuch nai. Me call rakhti hu. Baad me baat karti hu. Me: ok bye. Komal: bye. Us din bhot khush tha me. Itna khush ke bayan nahi kar sakta. Is liye nai ki love shuv or etc. etc. magar is liye ke ab me bhi roz baate karunga. Usse milunga. Masti karenge. Ab me bhi girlfriend waala ho gaya. Is liye. Par naa jaane kyu us raat nind hi nai aai. Dusre din uska call aaya shaam ko 5:30 baje kea as paas. Tab me mom ke saath aata dalane gaya tha. Mom mere paas thi. To koi bahana kar ke waha se nikala me aur thode door jaake usse baat ki aur bola ke raat ko call karunga. Fir waapas aaya. Raat ko call kiya usko thodi baat ki fir phone rakh diya. Fir ye baat karne ka silsila shuru ho gaya. Roj raat ko me call karta 10-15 minute baat hoti fir wo phone rakh deti aur me bhi so jaata. Kabhi kabhi school se lotke bhi call kar leta. Aur thodi baat ho jati. Tab uske bare me kuch zyada jaanne ko mila. Uske ghar pe wo bahot problems hurt karti thi. Uske papa sharaab bahot pite the aur uski ma thodi half mind waali thi. To dono komal ko bahot pareshaan karte rehte the. Ak baar to usne tang aa kar fenile bhi pi liya tha.ye baat khud komal ne mujse kahi. Ye baat jab mene jaani to bahot hi bura laga muje. Asa laga ki jese kisi ne dil par koi bada patthar rakh diya ho. Us baar long time baad meri aankho me aansu aaye. Saari raat bas usi ka khayal aaya. Ki kis tarah ji rahi hogi bechari. Fir shitla saatam ka din tha. Us din dhruv ke ghar pe koi nahi tha to usne uski girlfriend ko waha milne bulaya tha. To usne mujse bhi pucha ki tuje komal ko bulana he to bol. Mene kaha nai wo nai maanegi mene pucha tha magar usne mana kar diya tha. To fir dhruv ki girlfriend ne usko manaya aur use waha leke aai. Ab dhruv aur uski girlfriend dusre room me bethe the. Me uske ghar ke main room me betha tha. Me right side waale sofe pe betha tha. Aur woh dusre sofe pe baithi thi. Thodi kuch baat hui. Fir udhar dhruv ne aur ham sab ne fix kiya ki komal ne muje haa bola is khushi me anmol hotel me party. Mene kaha ok. Magar komal bolo ki me nai aaungi. Mene kaha “ok. Tum nai aati to me bhi nai jaata. Fir me akela waha kya karunga? Dhruv tumhe me pese de dunga aap jaake aana ok?”. Fir komal maan gai aane ko. Bahot hi jald doosri mulakaat hone waali thi. Pata nai kyu magar waqt hi nai kat raha tha us din ka wait kar raha tha jo date hamne fix ki thi. Do din ke baad aakhir wo date aa hi gai jab hame milna tha aur muje party deni thi. Hum aadhe ghante pele hi waha pahoch chuke the. Wo aaye fir hum andar gae order kiya aur baat kar rahe the. Wo bilkul mere paas bethi thi. Use choo na chahta tha me magar choo nai paaya. Uske baalo ko sahela na chahta tha. Magar himmat nai ho paai. Party khatam kar ke ham hotel ke bahar garden me bethe the. Waha bhi wo mere bilkul paas thi. Choona to dur usse baat kya karu wo bhi samaj me nai aa raha tha. Fir utne me papa ka call aaya ke bade bhaiya aaye he jaldi se ghar aa jao hotel me khaane jaana he. Par me to kha chukka tha kyaa khaata? To papa ko bola ki muje nai khana to wo bole ki fir bhi aao to sahi bhaiya bula rahe he. Jaldi se aa jao. Mene kaha ok. Ab jaana pad raha tha. Fir kuch samaj me nahi aaya. Komal ko bina kuch bhi bole me waha se nikal pada. Muje raste me jaake laga to sahi ki komal gussa ho gai hogi. Aur dusre din wai hua. Bahot gusse me thi. Boli kea b me kabhi tumhe milne nahi aaungi. Tum ase hi chale gae muje bye tak nahi kiya. In fact mere saamne bhi nahi dekha tumne. Uski aawaz thodi feeki pad gai jese wo rone waali thi. Mene kaha.” I am sorry dear. Sab kuch is tarah ho gaya ke muje kuch samaj me hi nahi aaya ke kya karu kya na karu aur fata fat nikal gaya waha se me but now I promise ke papa mere saamne bhi aa jaae na to bhi pele tumhe ghar chodunga fir papa ke paas jaunga.” Fir shaayad wo thodi shant hui. Us din paheli baar 1 ghante tak baat chali hamari. Fir baate badhne lagi kabhi 1 ghanta to kabhi 2 ghante. Bahot accha lagne laga tha ye sab.Navratri ke din aaye. Sab kuch accha chal raha tha. Navratri ka 9 th din tha. Us din wo nakchadi divya ko pata chal gaya hamare bare me. But us time komal ne baat change kar ke maamla sambhal liya. Bola ke wo ashish nahi koi aur he. Aur is taraah maamla kaabu me aa gaya. Divya ko to pata nai me tapori lagta tha shaayad. Muje dekhte hi jese ghaayal sherni ho jaati thi. Us raat divya ka call aaya komal ke hi number se. aur boli ke “ komal tumse baat karma nai chaahti. Ab use call mat karma.” Achaanak ye sab ho gaya mind goom gaya. Paagal ho gaya. Kuch samaj me nai aa raha tha. Aur us waqt society me soundsystem ka kaam me sambhaalta tha to me amplifier ke paas khada tha. Amplifier overload ho gaya fir bhi muje pata na chala. Usi me hi waha ak ladki se zagda ho gaya mera. Kyu ki mera dimag thikane nai thaa. Aur wo chilla chilla ke muje bol rai thi k start karo start karo. To jagda ho gaya. Kuch samaj me nahi aa raha tha. Sirf komal ko ye message kiya ki “ agar baat hi nahi karni thi to propose accept kiya kyu? Ab jab reh nai paate to jaa rai ho?” fir shaayad raat ko 1 baje divya ka message aaya ke komal baat karegi aapse. Asa laga jese bhagvaan aaye. Sar par se bahot bada boj hat gaya. Us raat chain ki nind soya me. Fir 1 din badi mahenat ke baad use milne bula saka. Detroj road par “ogalnath mahadhev” temple he usse thode aage jaake ak canal aati he wahi pe. Betha baate ki. Waha bhi uski hairstyle mashallah choona chahta tha. Par himmat ne saath chod diya. Ye shaayad teesri baar mil raha tha use. Choona chahta magar choo nai paata. Bahot try kiya magar himmat nai juta paaya. Fir ghar gae. Ghar jaate hi ak ajab si becheni cha ne lagi. Uske call ka wait karne laga me. Time hi nai jaa raha tha. Sirf usi ka khayaal aur kuch nahi. Mere upar ke room me betha raha raat tak. Aur fir uska call aaya. Tab jaan me jaan aayi. Us waqt bahot long time tak baate chali. Jab bhi wo ILOVE YOU kaheti mere dil me jese sansani ho jaati. Fir to complsary ban gaya roj raat ko 8 baje se 2-3 baje tak ham baate karte. Fir ak baar use milne bulaaya thol lake. Uski scooty ko mere friend prerak ke ghar kea age rakh di aur mere bike pe hum thol lake gae. Waha shaayad 2 baje hum pahoch gae the. Koi nahi sirf ham dono aur koi nai. Ak dum shaanti. Waha thodi himmat ki aur uske kandhe pe haath rakha. Utne waqt me to muje laga ke shaayad me wahi behosh ho jaunga. Paheli baar me uske bahot hi kareeb tha. Wo bhi thodi becheni mahesus kar rahi thi wo me dekh sakta tha. Thodi thodi hawa chal rahi thi. Uske baal kai baar mere chehre par aa jaate the. Aur wo fir baal sidhe kar deti thi. Us waqt ko to me marte dum tak nai bhool sakta. Ghar jaane ka man hi nai kar raha tha. Magar fir shaam ko 5 baje hum ghar pahoche. Us din to jese paagal sa ho gaya tha me. Wahi mere upar waale kamre me beth gaya. Haath me mobile aur bas komal aur komal aur kuch nahi. Us baar raatko bhi uska call nai aaya. Mere room me saari raat haath me mobile leke bas betha raha ke abhi aayega uska call. Magar nai aaya. Muje laga ke yaar mene koi galti kar di kya? Mene use call kiya magar usne receive bhi nahi kiye. Fir dusre din raat ko uska call aaya aur baat hui. Tab meri jaan me jaan aayi. Warna wo saara din aur kuch kiya hi nahi claas me bhi uske bare me hi sochta raha. Aur kuch nahi. Us din paheli baar me class me shaant betha raha. Kyu ki mere mind me sirf komal hi thi. Aur jab shaam ko baat hui to dil kiya ke call rakhu hi nahi. Magar 3 baje call rakhna hi pada. Fir dusri baar usne khud muje milne bulaya. At same place thol lake. Muje surprised feal hua ki is baar usne khud muje milne bulaaya. Same uski scooty ko prerak ke ghar pe rakh ke pahoch gae thol lake 2 baje. Bas wai baate ki aur us wakt peli baar mene uske gaalo pe kiss kiya. Uske reshmi baalo ko sahelaay. Uski god me soya. Magar us waqt komal thodi si confused lag rahi thi. Asa lag raha tha ke wo kuch batana chahti thi. Magar bol nahi paa rai thi. Mene usko pucha bhi ki kuch kahena chahti ho? Usne thodi der socha fir kaha ke nahi. Mene dobara pucha ke nai koi to baat zaroor he. Magar wo boli kuch nai he. To muje laga ke ok. Kuch nai hoga. Muje asa lag raha hoga. Koi baat nai he. Dusre din raat ko prasang partyplot me hamare relative ke marriage the. Tab mera ak dost muje mila aur usne sidha muje ye bola ki tu komal ko love karta he? Tu hi uska boyfriend he? Mene kaha ha yaar magar tuje kese pata? Tab jaanne mila ke koi dhaval naam ka boyfriend tha koi pele komal ka. Aur usne muje dhamki di he ki agar me komal se baat karunga to accha nahi hoga. Muje to pele komal pe gussa aaya bahot. Ki usne mujse ye baat choopai kyu ke uska dhaval naam ka koi boyfriend tha. Mene turant ye kaha usko. Me: ye dhaval kon he? (komal gabhra gai kuch nahi boli pele to) Me: chup kyu ho bolo please. Komal: he nahi tha. Wo mera pahele boyfriend tha. Me: tumne muje bataya kyu nahi? Komal: batana chahti thi me tumhe batane hi wali thi. Isi liye mene tumko milne bhi bulaya tha yahi kahene ke liye. Magar himmat nahi kar paai. Me: to mene tume pucha bhi tha ke kyaa baat he to tumne kyu nahi kaha muje? Komal: nahi bata paai. Me: kyu nahi bata paai? Komal: kyu ke me tumhe khona nahi chaahti ashish. Please muje maaf kardo. Jese hi usne ye kaha ki mera gussa ak dum thapp ho gaya. Aage kuch bolne ko bacha hi nahi tha. Komal: ashish chup kyu ho gae please kuch bolo please. Muje maaf kar do na please. Me: it’s ok. Dear tumne man liya. Muje accha laga. Don’t be sad. Kyu kea b me tumhe shaayad pele se bhi jyaada pyaar karunga. Ab koi baat nai apne past ko bhool jaao. Komal: thank you ashish thanks a lot. Me: it’s ok dear. Magar us dhaval ne muje dhamki di he to ab me use nai chorunga. Komal: nai please usko kuch mat kahena kuch mat karma use please. Tumhe meri kasam. Me: par kyu yaar? Komal: kyu ki wo meri society me rehta he mere papa ko keh dega to papa muje maar dalenge ashish. Me: ok ok kuch nai kehta me use. Magar ab agar usne koi bhi problem create ki to wo nai bachega. Komal: please ashish gusse pe control rakho. Me: ok. Chor in baato ko bol tune khana khaaya? Komal: nai abhi ban raha he. Aur tumne? Me: party plot pe hu. Kha lunga. Komal: ok kha lo pahele. Aur gar jate hi please call me. Me: ok bye dear I love you. Komal: I love you bye. Kuch nai khaaya mene waha. Thodi hi der me sidha ghar pahoch gaya aur use call kar diya wo sirf sorry sorry hi bol rai thi. Mene kaha ab bass karo yaar warna tu muje rulayegi aaj. Fir usne sorry kena band kiya. Aur raat ko 3 baje tak baat karte rahe. Us waqt me na jane kaha se mera cousine kismet kaha se us nakchadi divya ka number utha ke laaya aur usse friendship kar di. Divya ko nai pata tha ke wo mera cousine he. Warna shaayad wo fires hangaama karti. Ab kismet divya ko milne kadi aaya. Divya aur komal dono usse milne aane wale the. “Ogalnaathh mahadev” detroj road. To me fatafat kismet ko us mandir chor ke thoda dur 2-3 k.m. dur chala gaya. Divya aur komal kismet ko mile aur kismet ne muje call kiya ke divya bol rahi he ke tum bhi yaha aao warna wo jaa rahe he. Ajeeb ghadi thi komal aane ko naa bol rai thi aur divya bula rai thi. Utne me kismet ne muje komal ki kasam de di. Ab to jaana hi tha. Me waha pahocha. Thode der tak to divya chok gai. Fir asa laga ke jese simple ho gai gussa nai hui muj par. Fir wahi dusre din thol lake jaane ka programme set kiya. 2 baje. Ak bike to thaa hi aur dusra friend ka activa le aaya me. Active kismet ke paas tha aur bike mere paas. Ghar ke pichle raste par ham ikattha hue. Kismet ne divya ko active pe bitha liya aur wo nikal pade. Mene komal ki scooty ko prerak ke ghar park ki aur fir hum bhi nikal pade. Hamesha ki tarah us din bhi hamne muh ko nahi Dhaka tha. Raste me mere maosi ka ladka sachin ne muje dekh liya. Magar usko to pata hi tha hamare bare me to koi problem nai thi. Thol lake pe pahoche aur dono alag alag raste pe chale gae. Thode door jaake bike park kiya mene. Koi nai tha. Panchiyo ki thodi thodi aawaz aa rai thi aur kuch nai ak dum shaanti sirf hum dono baate kar rahe the. Fir achanak chup ho gae hum dono. Sirf ak dusre ki aankho me dekhte rahe. Dheere dheere ak dusre ke karib aate gae. Aur us waqt mene use pehla kiss kiya. Wo sceane to me kabhi nai bhool sakta. Wo kiss. Me kabhi nahi bhool sakta. Fir kismet ka call aaya ke is taraf aao. To hum dono us taraf gae. Ak dum chup ho gae the hum dono koi kuch nahi bol raha tha. Ak ajeeb se fealing ho rai thi us waqt. Aur waha jaate hi ak sansanati bhari khabar mili mujko. Kismet bola ke kisi ne dekh liya he tum ko tumhare papa ko pata chal gaya he ke tum kisi larki ko bike pe bitha kar nikle ho kisi ne bol diya tumare papa ko. Pele to laga ki kismet majaak kar raha he. Magar ye sach tha. Komal bahot hi gabhra gai. Me bhi pele pele thoda gabhra gaya fir papa ko karne se pele mene mere dost prerak ko call kiya. To wo bola “ bas? Itni si problem he na? bol de tere papa ko ke tu meri bhatiji ko pirojpur chorne gaya tha. Simple tention kyu leta he yaar?” bahot hi accha idea diya usne yaar. Uska ye upkaar to me kabhi nai bhool sakta. Mene papa ko bol diya ki wo to mere dost prerak ki bhatiji thi. Aur ye maamla bhi solve ho gaya. Baad me jaake pata chala ki 3 logo ne muje dekh liya tha ak to sachin ki aunty ne, dusre hamari society ke maharaja ne aur teesre mere papa ke kisi dost ne. heraan reh gaya yaar. Fir soch liya ke ab jab bhi milne jaae tab. Poora chehra dhak ke hi jaae asa dhake ke khud papa bhi paas seguzre na fir bhi na pehchaan paae. Full safety. Fir baate chalti gai. Ak din kismet ne muje bola ke “divya keh rai thi kea shish patel he aur komal mistry he. To ashish ke papa shaayad maan bhi le magar komal ke papa manenge nahi. Aur agar unhone bhaag ke shaadi karne ka try kiya to komal ke papa mar jaenge. To tume komal ko chorna padega.”Dil kiya ki ye sunne se pele me mar kyu nai gaya? Magar mere swarth ke khaatir me komal ki family ki zindgi to daav pe nai laga sakta tha na? komal ka ak chota bhai thaw o bahot chota tha fir uska ky hoga? Ye soch kar me maan bhi gaya. Ab time tha komal ko bolne ka. Us dopaher ko komal ka call aaya. Mene kaata aur saamne se lagaya dhadkan dhag dhag ho rai thi bilkul call ki ring ki taraah. Usne bola “hello”. Me kuch nai bola. Wo fir se boli “hello kya hua?” me hello bolte bolte to rone laga. Aur fir to zor zor se rone laga control hi nai kar paa raha tha khud ko bahot hi zoro se rone laga. Paagalo ki taraah komal baar baar ye poochti rahi ki ashish please batao kya hua? Me kuch keh nahi paa raha tha. Jitnakehne ka try karta utna hi zoro se rota. Kuch nai bol paa raha tha. Me sun sakta thaw o bhi ro rahi thi. Bas yahi puchti “shish please batao kyu ro rahe ho please batao muje.” Aur me sirf roye hi jaa raha tha. Shaayad us din lagataar aadha ghanta me sirf rote gaya aur komal ye puchte gai ke kya hua? Fir thoda contoll kiya aur man hi man ye soch liya chahe jo ho jae. “ab hona he tab dekhenge magar abhi to komal ko me nahi chorunga. Bilkul nahi.” Fir mene baat palat di aur bol diya ki society me ak dadi ki death ho gai isi liye ro raha tha. Tab asa laga jese uski jaan me jaan aai ho. Warna wo bhot gabhrai hui thi. Us din muje ye ehsaas hua ke me use kitna pyaar karta tha? Reh bhi nai paata tha uske bina ak pal. Aur rahena bhi nahi chaahta tha. Fir to bas wohi har jagaah mere khayalo me sapno me saari jagaah sirf komal aur sirf komal. Dusra na kuch aata na kuch soch paata. Subhe uthte hi komal class me komal tution me komal raat ko komal sapno me komal sirf komal hi komal. Aur kuch na sujta muje. Jab kahi pe betha hu to bhi usi ke khayaal dimag me aur kuch nai. Bas mere room me betha rehta saara din. ya to usse baat karta hota yaa to betha hota. Usi ke khayaalo me. Fir uske baad do baar use mene milne boolaaya tha. Doosri baar mere ghar pe bulaaya tha. Beth ke dono baate kar rahe the mera sar uski god me thaa. Wo mere baalo ko sahela rai thi. Aur hum dono baat karne me utne mashgul ho gae the ke komal ki didi ka call aaya magar komal ko pata hi nahi tha. Wo ghar gai tab pata chala ki uski didi aai thi uske liye. Use milne. Aur usne call bhi kiya tha magar komal ne nai uthaaya tha. Wo komal se bahot naaraaz ho gait thi. Bad me komal ne usko call kiya to bhi wo receive nai kar rahi thi. Bahot gussa thi. Komal uski didi ko bahot pyaar karti thi. Shaayad mere jitna yaa shaayad mujse bhi jyaada. Komal bahot ro rahi thi us din. uski didi aaj usse naaraz thi sirf meri vajaah se. muje us din khud pe bahot gussa aaya. Agar mene us din komal ko milne naa bulaaya hota to wo uski didi ko mil paati. Uski didi gussa na hoti us par. Komal bahot roi us din. meri bhi aaankho me aansu aa gae the. Us raat komal ka koi call naa aaya. Me bahot tension me tha. Dusre din do paher ko bhi nai aaya. Lekin aakhir kaar raat ko aaya uska call. Usne kaha ke uski didi ne use maaf kar diya he aur next Saturday wo firse uske mangetar ke saath. Komal ko milne ayegi. Bahot khush thi komal us din. shaayad uski family me komal ko sirf uski didi hi acchi lagti thi. Bahot pyaar karte the don oak dusre ko. Board ke exams kareeb the. Saturday ko komal ki didi nai aai wo thoda udaas thi us din par baad me pata chala ke wo beemaar thi so nai aa paai. Us raat komal se baat hui wo hui bas fir call na aaya komal ka. 1 din, 2 din, 3 din. kitne calls kiye koi reply na deti. Kabi kabi calls cut kar deti. Exams shuru ho gae. Lekin padhaai me dhyaan hi na rehta. Komal hi komal dikhaai deti. Aadat si pad gait hi uski. Saari saari raat beth ke baate karte the. Shaayad khana khan eke time hi hum baat nai karte the. Aur achaanak ye sab kuch samaj me nai aa raha tha ke kya hua. Fir economics ke paper k aage ki raat ko uska call aaya. Me us waqt khaana kha raha tha. Turant hi khaana chor ke me upar chala gaya. Paani bhi nai piya tha. Fataafat upar jaake usko call kiya. Pela call usne receive nai kiya. Dusra call kiya. Me bola hello!! Magar usne koi reply ni diya. Mene 2-3 bar bola ke hello!! Hello!! Magar usne kuch jawaab nai diya. Fir me bola ki. me: hello!! Kyaa hua komal yaar bataao to sai asa kya hua kea b tak baat nai ki tune aur aaj jo call kiya to chup he??!! Komal: ashish!!!!! Ashish, didi!!!!(itna bolte bolte to wo zor zor se rone lagi.) Me: kya hua didi ko? Fir se naaraaz hui kya? Milne nai aai? Hua kya?kaha he abhi wo? Komal: he nai ashish thi. Ab wo nai he……. Ab kabhi wo naaraaz nai hogi kabhi muje milne nai aa paaegi. Wo ab is duniya me nai rahi. Ye sunte hi pele to muje lagaa ke ab muje heart attack aane waala he. Me jaha khada tha turant waha beth gaya. Khada nai ho paa raha tha. Yakeen nai ho raha tha ke asa ho sakta he. Maanne me nai aa raha tha. Dharasal baat ye thi ki “ komal ki didi kisi aur se pyaar karti thi. Lekin majburi me use dusri jagaah shaadi karni pad rahi thi. To uske boyfriend ne sucide kar liya tha. To fir komal ki didi ne bhi uski jaan de di.” Ye komal ne bataaya muje. Aur bahot rone lagi. Me bhi ro raha tha. Jise komal apni jaan se bhi jyaadaa chahti thi wo aaj is duniya me naa thi. Aur sirf meri vajaah se last time didi usko milne aai thi magar mil nai paai thi. Bahot roya us raat me. Bas itni baat hui fir komal ne call rakh diya. Bahot try kiya usko call karne ka magar usne receive hi nai kiya. Muje uski fikar hone lagi ki wo kuch kar na bethe. Dusre din usko dekha pele. Fir man ko shaanti hui. Lekin us din bhi koi call nai. Board exams khatam ho gae magar uska koi call nai. Exams khatam hui. Fir socha ke maasi ke ghar chala jaata hu. Dhire dhire bhool jaaunga. Waha sachin bhi he aur dusre dost bhi. Khelenge masti karenge. Aur me bhool jaaunga. Magar me galat tha. Waha bhi har pal uski yaad aati thi. Khelne me dil na lagta. Komal me hi khoya khoya rehta. Ab to jese me paagal ho raha tha. Usko dekhne ke liye use call karne ke liye. 24 ghante haath me mobile rehta na din ko thik se sota na raat ko thik se sota. Jara sa vibrate hua mobile ya asa laga ke vibrate hua he to turant mobile utha leta. Magar nirasha hi milti. Din chalet gae maasi ke ghar pe hi thaa magar bhool nai paa raha tha. Bimaar pad raha tha. Kamzor pad raha tha. Sirf komal ke khayaalo me khoya rehta. Poora badal gaya magar uski yaad na gai. Thik se naa khaata na kuch pita. Bas dimaag me ak hi baat komal aur sirf komal aur kuch nai. Ab to sachin ko bhi thoda thoda dar lagne laga tha ke kahi me paagal na ho jaau ya sucide na kar lu. Bimaari badhti hi jaa rai thi. Kamzor padta jaa raha tha. ase hi 2 mahine bit gae the. Me abhi bhi maasi key aha hi tha. shaayad wednsday ka din tha farm pe the hum. Ak neem ke ped ke niche betha tha me. Komal ke bare me sochta hua. Ak unknown number par se missed call aaya. Mene turant call lagaaya.(lekin ye to koi uncle baat kar rahe the) Me: hello!! Unknown: ha kon? Me: aap kon? Abi abi aapka missed call aaya tha. Unknown: galti se aa gaya hoga. Magar aap kaha se bol rahe ho? Me: kadi se. Unknown: accha gajraj society se bol rahe ho na? Mene turant call cut kar diya. Ak shock laga. Kyu ki unhone jis society ki baat ki thi waha hi komal rehti thi. Lekin fir socha ke ye koi intefaq hoga. Jaane do. Fir us din dopaher ko bhi hum farm pe the. Fir ak unknown number par se missed call aaya. Ye alag number tha. mene turant call lagaaya. Saamne se aawaaz aai. Hello!! Kon?? Me ak dum chup ho gaya. Sachin ishaara kar ke muje pooch raha tha ke kiska call he. Magar muh ses kuch nikal hi nai raha tha. pele to ak zordaar challang lagaai aur zor se chikha. Bahot khush ho gaya kyu ki wo aawaaz komal kit thi. Fir mene kaha. Me: itne dino me aawaaz bhi bhool gai? Komal: nahi bas conform kar rahi thi. Magar tum nahi bhule? Me: kuch nahi bhoola me. Sab yaad he muje dear. Kaha thi ab tak? Komal: pele me thoda upset thi. Exams khatam hote hi me kalol aa gai thi. Yaa mandir ki pratishtha thi is liye. Me tab se kalol hi hu. Yaha call karma chahti thi magar maami ka mobile bandh tha. aaj thik hua ke pehla hi call tumhe kiya he. Me: bahot accha kiya yaar. Aaj me bahot khush hu. Thodi der baat hui. Fir call rakh diya us din. magar us din me bahot khush tha. meri zindgi me me itna khush kabhi na hua tha yaa shaaya kabhi na hunga. Asa lag raha tha jese jannat aa gai. 2-3 baar to zor se chillaya khooshi ke mare. Sachin door khada thaw o bhi bhaag ke mere paas aa gaya. Wo bhi aaj bahot khush tha. 2 mahine shaant rehne ka baad aaj ke din mazak masti karta muje dekh ke sab soch me pad rahe the. Lekin haa me bahot khush tha. fir dusre din komal ki maami ne hame kalol bulaaya. Komal ki maami jaanti thi hamare bare me. Waha unki society me mandir ki pratishtha thi to waha hame boolaaya. Komal ko laga ke me nahi aaunga. Magar kyu na jaata yaar?? Do dino se usko dekha nai tha. waha gaya aur usko dekha tab meri dil me bahot khooshi ho rai thi. Fir jaldi se waha se nikal gae me aur sachin gae the. Fir do din regyular pele jese baat hone lagi. Fir waha se use uski maasi ke ghar jaana tha. to waha se wo call nai kar sakti thi. To mene kaha ok koi baat nai. Us waqt itna dookh nai tha muje shaayad is liye ki is waqt wo bata ke gai thi yaa shaayad Is liye ke me jaanta tha ke wo kadi aake to muje call karne hi waali he na!! Fir college shuru ho gai. Ab baat karne ki gape badhti gai ab 2-3 din ki gape hi rehti baat karne me. 2 baar to usne kaha ki muje bhool jaao ab. Usne bolte to bol diya magar yaha nai jaanti thi ki kitna dard hua hoga. Sab us nakchadi divya ka kiya karaaya he ye me jaanta tha isi liye komal ko kuch nai kehta me. Divya aur kismet ka brackup ho gaya to ab wo mera bhi tudvaana chahti thi. Lekin naa jaane kyu ab wo kuch bhi kahe me ro nai sakta tha. rona chahta magar ro naa paata. Fir wo keti ki ase hi mazaak me kaha tha. fir thoda khush ho jaata. Ase ase me hamare relation ka 1 year ho gaya tha. Fir kuch din baat hui. Aur ak din komal ka call aaya. Aur usne sidha ye bola. Naa koi wajaa ke. Usne bol diya. “ aaj ke baad muje koi call mat karma. Kabhi nahi. Aur is baar me mazaak nahi kar rahi hu. So please muje ab pareshaan mat karma.” Bahot dard hua us time magar gussa bhi bahot tha. me jaanta tha ke ye sab divya ka hi kiya dharaaya he. Gusse me tha me to gusse me bol diya mene “OK. Ab call rakh do bye.” Aur mene call cut kar diya. 1 mahina ho gaya. Na mene call kiya use na usne call kiya muje. lekin jese ab to ye aadat si pad gait hi. Shaayad us time college aur naye friends ke kaaran me zindaa reh paaya. Bas hasta rehta koi nai jaanta tha friends me mere ki me dil se kitna ro raha hu?? Sirf sachin ko pata tha kyu ki jab ham mere ghar pe bethe the tab me roya tha tab baat pata chala tha use tab mene use bataaya tha. wo words yeh the: “ sachin yaar ye sab mere saath kyu ho raha he?? Kabhi kabhi to lagta he ki zinda I naa rahu. Magar marr bhi nai paa raha hu. Rona chahoo to ro nai paa raha. Bhoolna chahta hu to bhool nai paa raha. Ye kya hua he muje yaar?? Me pele to asa na tha. kya kya nai kiya uske liye mene? Usne jo kaha wo maana. Saari baat ko. Usne mana kiya agar kisi baat pe to kabhi mene argument bhi nai kiya kabhi. To fir asa kyu??” Me ro pada tha us waqt. Sachin ki aankho me bhi aansu aa gae the. Usne us waqt sirf itna hi kaha tha. “ yaar jab me udaas hota ya koi takleef me hota to tu hi muje samjata ke life me asa chalta raheta he. Kabhi tension mat lo. Aur aaj tu hi ro raha he be? Mat ro mere bhai jo hoga accha hoga. Aaj tere saath kuch bura hua hena to kal kuch accha hi hoga. Ok? Aur yeh rona band kart ere ko bilkul suit nai karta.” Bas fir bina ku6 bole aadhe ghante tak hum dono bethe rahe. Khayaalo me khoye hue. 1 mahine baad komal ka call aaya. Komal: kese ho? Me: bas zinda hu abi tak to. Komal: kyu? Me: bas ase hi thodi der karti ti papa yam era chota bhai hi call uthate. Komal: magar kyu? Me: me to mar hi jaata na. Komal: ashish please asi baat mat karo please. Me: thik he tu hi bata kesi he? Komal: acchi hu. Me: acchi hi hogi na! ab jo me nai hu pareshaan karne ke liye. Komal: asa nahi he ashish please asa mat kaho. Aur muje yeh batao ke muje bhoole ke nai? Me: ha!! Try to kiya, Nai bhool paaya. Paagalo ki taraah bhatakta raha. Aadha paagal hi ho gaya samaj lo. Raat ko soya nai. Sirf tu hi saamne aati thi. Bahot try kiya. Roya, bahot roya. Khud ko saza deta raha. Magar nai bhool saka. Baat karma chaahta tha tujse magar nai kar paaya. Himmat nai chali tumne call karne ko mana jo kiya tha. Komal: (rote hue) ye tumne kya kiya ashish? Me: kyu? Mene kya kiya? Komal: ak baar. Ashish kam se kam ak baar to muje call karte.! Kyu nai kiya? Me: karna to me bhi chaahta tha. screen par number type karta tera. Fir himmat na chalti clear kar deta. Tujse dar lag raha tha. mene pele bhi kaha tha na tujse ke muje duniya me sirf tujse hi dar lagta he. Komal: (rote hue) ye kya kar diya mene? Me bahot boori hu na? Me: nai dear!! Agar tum itni boori hoti to meri life me itni andar na hoti na!! Ase thodi baate ki. Us din. Fir shaayad 1 mahine tak baate regular chalti rahi. Ab lagta tha ke sab kuch thik ho gaya. Ab kuch boora nai hoga. Lekin fir ak din. divya ne komal ke mobile me mera message dekh liya. usne muje call kiya aur boli ki “ab yeh number mere paas he. Call mat karna. Komal ke papa ko pata chal gaya he.” Muje us waqt bahot gussa aaya us par. Fir bhi controo karke use sirf itna bola mene ke “pata he muje. Nahi karunga ab bye.” Lekin fir bhi raat ko komal ka call aaya aur baat hui. Fir 2-3 din ke baad komal ko kisi unknown number par se message aaya. “I LOVE YOU” likha tha message me. To usne turant muje call kiya. Muje pu6a to mene kaha mene to nai kiya he ye message. To usne kaha ke to kisne kiya hoga please ashish check karo kon he? Mene kaha ok number do muje. To usne number diya. Mene us number par call kiya magar kisi ne cut kiya 2-3 baar try kiya magar usne cut kiya. Fir thodi der baad komal ka call aaya. Ke rehne do. Who to meri aunty thi. Ab call mat karna. Mene kaha ok. Laga ke wo kuch chupa rahi thi magar jaane di baat ko. Wo number mene delete kar diya. Us waqt me kalol movieplex ke saamne khada tha. 5 minutes ke baad kisi ka call aaya. Mene uthaaya to wo boli ke divya bol rahi hu. Muje laga ke meri friend divya bol rahi he. To mene mazak me kaha. Me: kyu bol rai he? Divya: tumne mere number par call kyu kiya harami? Me: ak minute! Tu konsi divya bol rahi he? Gajraj se? Divya:ha. Me: ok. Mene tuje kab call kiya? Divya: abhi kiya tha aura b juth bolta he? Me: okk. Us number par? Wo number tumhara he? Muje nai pata tha. wo komal ne bola ke check karo to mene kiya. Sorry. Divya: magar tune komal ko call kyu tel lene kiya gadhe? Tera relation khatam ho gaya he komal ke saath to call kyu kiya tune use? (ab khopdi hati. Ab control kar paana mushkel tha.) Me: chup!! Chup kar pele tu. Pele usko unknown number se message karti he. Upar se call nai uthati uska. Usne muje muje number diya to mera farz banta he aur mene call kiya. Wese bhi muje tumhe call karne ka koi shokh nahi he ok? Divya: me abhi aati hu tere ghar pe. Tere baap ko kahene. Me: aaja. Bol lene aau tuje? Mere ghar aane ke liye tere paas koi reson nai he jot u bataegi wo mere papa ko pele se pata he. Magar me asi 1000 baate jaanta hu jo tumhare papa ko pata nai. Pele tu mere ghar aa baad me me tere ghar aata hu. Dekhte he kiski kitni bajti he.! Divya: (ab shant pad gai) dhamki de rahe ho? Me: dhamki ki koi baat hi nai. Pele shuru kisne kiya ha? Kitne dino se tu mere bare me bakwaas kar rahi he. Me sab jaanta hu magar mene aaj tak tujko kuch nahi kaha. Me bura hu? Kyu bura hu me? Tera aur dhruv ki girlfriend ka zagda hua aur mene dhruv ki girlfriend ke saath propose karvaya komal ko. Is liye me bura hu? To tu kitni acchi he me nai jaanta? Jab tak mera muh bandh he na tab tak bandh hi rahene de warna tere liye accha nahi hoga okk?? Aur abhi film dekhne aaya hu mood kharaab mat kar mera. Call rakk….(mene call cut kar diya) Mera dimag bahot gusse me tha. fir thodi der baad mene komal ko call kiya. Komal: (gusse me) ab kya he tumhe? Me: kuch nahi he santi rakh. Muje dekhna thaw o kon he ok? Aur wo mene dekh liya. divya thi wo. Usne saamne se call kiya tha. sunaai usko badi badi ok? Abhi tum gusse me ho. Thandi ho jaa baad me baat karenge. Call rakh bye. Bas uske baad uska koi call nai aaya. 100% divya ne kuch kaha hoga. Lekin ab to 100% mujse door jaa chuki thi. Kabhi kabhi use call karta to bhi wo baat ko talte hi milti. Fir socha ke ab use pareshaan nai karna chahiye. Bhale meri zindgi gai to gai magar uski zindgi use sudhaarne du. Fir mene bhi use call aur messages karna bandh kar diya. Uske baad na koi call na koi baat. Zinda hu. Magar mar mar ke. Bhoolna chahta hu magar bhool nahi paa raha. Dimaag manta he ke ab wo meri nahi ho sakti. Magar dil manne ko taiyaar nahi. Kabhi kabhi akele beth ke sochta hu to lagta he ke kya thaa me pele aur kya ban gaya me. Jo me pele tha ab wesa banna mere liye mushkil hi nahi naamumkin ban gaya he. Kabhi kabhi socha ke nai girlfriend bana leta hu. Magar fir dil nai kiya.
Posted on: Fri, 20 Sep 2013 12:38:05 +0000
Recently Viewed Topics
© 2015