Ə.Mustafayev “Media forum” saytına bildirib ki, diplomatla Azərbaycanda vəkillərin üzləşdikləri təzyiq və problemlər, son zamanlar həbs olunanların məsələsini müzakirə ediblər: “Hakimiyyətin vəkilləri təqib etməsi, təzyiq göstərməsi, Aslan İsmayılovun Vəkillər Kollegiyasından çıxarılması, Qurban Məmmədovun həbs olunmasını müzakirə etdik. Səfirliyin müşaviri bildirdi ki, bütün bunlardan xəbərləri var .Bizə təzyiqin olub-olmaması ilə maraqlandı. Vəkillərə hansı formada dəstək verə biləcəklərini soruşdu. Biz də müəyyən təkliflər verdik. Diplomat bildirdi ki, təklifləri səfirlə müzakirə edəcək, missiyaları çərçivəsində vəkilliyin inkişafına dəstək verəcəklər. Eyni zamanda yaranmış vəziyyəti Vəkillər Kollegiyasının rəhbərliyi ilə müzakirə etməyə təşəbbüs göstərəcəklər”.
Posted on: Wed, 05 Jun 2013 15:42:08 +0000