آئزک نیوٹن سر آئزک نیوٹن (انگریزی: Sir Isaac Newton) (4 جنوری 1643ء – 31 مارچ 1727ء) ایک انگریز طبیعیات دان، ریاضیدان، خلادان، فلسفی اور کیمیا دان تھے جن کا شمار تاریخ کی انتہائی اہم شخصیات میں ہوتا ہے۔ [1] 1687ء میں چھپنے والی ان کی کتاب قدرتی فلسفہ کے حسابی اصول (لاطینی: Philosophiæ Naturalis Principia Mathematica) سائنس کی تاریخ کی اہم ترین کتاب مانی جاتی ہے جس میں کلاسیکی میکینکس کے اصولوں کی بنیاد رکھی گئی۔ اسی کتاب میں نیوٹن نے کشش ثقل کا قانون اور اپنے تین قوانین حرکت بتائے۔ یہ قوانین اگلے تین سو سال تک طبیعیات کی بنیاد بنے رہے۔ نیوٹن نے ثابت کیا کہ زمین پر موجود اجسام اور سیارے اور ستارے ایک ہی قوانین کے تحت حرکت کرتے ہیں۔ اس نے اپنے قوانین حرکت اور کیپلر کے قوانین کے درمیان مماثلت ثابت کر کے کائنات میں زمین کی مرکزیت کے اعتقاد کو مکمل طور پر ختم کردیا اور سائنسی انقلاب کو آگے بڑھانے میں مدد دی۔
Posted on: Sat, 10 Aug 2013 19:01:15 +0000
Trending Topics
Recently Viewed Topics
© 2015