أيوة انا الشخص اللى عمره ما انتفع من النظام السابق ، ايوة انا الشخص اللى كنت مع مبادىء الثورة ، ايوة انا الشخص اللى تأكد ان فى مؤامرة ع مصر بعد كده . ايوة انا الشخص اللى كان موافق ع تنحى مبارك بعد 6 اشهر ، ايوة انا الشخص اللى رحب بعمر سليمان نائبا للرئيس ، ايوة انا الشخص اللى دعم المجلس العسكرى لانه الامل الاخير . ايوة انا الشخص اللى اتقال عليه فلول ولاحس بيادة وعبيد ، ايوة انا الشخص اللى كان متأكد انها فتنة مش ثورة، ايوة انا الشخص اللى فرح لما عمر سليمان قال هيترشح للرئاسة . ايوة انا الشخص اللى قال مفيش فرق بين قانون العزل وقانون الخلع فكلاهما لحماية الجنس الضعيف . ايوة انا الشخص اللى رضى باستبعاد عمر سليمان رغم الشكوك ، ايوة انا الشخص اللى وثق فى احمد شفيق لانه لم يتلون . ايوة انا الشخص اللى نزل جنازة عمر سليمان وبكاه كما لم يبكى قريبا له فى حين حرم الصلاة عليه المتأسلمون ، ايوة انا الشخص اللى انتخب الفريق مرتين واتاكد من فوزه ، ايوة انا الشخص اللى رضى بالنتيجة لما الفريق مرضاش يولعها . ايوة انا الشخص اللى كاتب مبادىء يمشى عليها ، ايوة انا الشخص اللى بينتقد الاخوان و مش شايفهم بيمثلوا الاسلام ، ايوة انا الشخص اللى ضد اقصاء الكفأ حتى ولو مختلفين فى الرأى . ايوة انا الشخص اللى يستحمل واحد مختلف معاه فكريا وميستحملش واحد بيكفره دينيا . انا الشخص اللى نزل يوم 30 عشان يرجع مصر تانى ، ويلغى مسميات التفرقة بين المصريين من فلول وثوار واخوان وغيره . ايوة انا الشخص المصرى اللى هيفضل يدافع عن جيشه ولو كان هو الشخص الوحيد . admin:youssef Zidan
Posted on: Wed, 31 Jul 2013 03:03:11 +0000
Trending Topics
Recently Viewed Topics
© 2015