احدث التلطيـــــــشات السورية 2013 ولك عبرنا يا ابو السماوي قبل مانروح بالكيماوي ــــــــــــــــــــــ لك انشالله بيقبرني الزهــــر كرمالو مستعد يلاقوني بالنهر ــــــــــــــــــــــ دخيل العيون السود والشعر المفرود خلينا نتمشى قبل ماينزل شي سكود ــــــــــــــــــــــ يسلملي الي متكبر وعامل حالو تقيل اشتقنا للضحكة متل ما اشتقنا للبراميل ــــــــــــــــــــــ لك بموت بهالشفايف الرهيبة تعي نتزوج ونشكل شي كتيـــبة ههههههه نقلا عن سوري مقهور بين جيش التطهير وجيش التحرير نحنا يلي عم نطير.!!!! ومابين تكبير ومنحبك يا كبير الشعب صار ع الحصير! !! وبين نجمتين حمر وتلاتة خضر الشعب شاف نجوم الضهر!! والمعركة بسوريا انتهت يالتعادل مع وفاة الشعب والشعب السوري بدأ بالانسحاب تكتيكيا من سوريا 🚂🚣🚡 للمحافظة على سلامة الجيشين!!!! أنواع الأسلحة المنزلية السورية: * * * * * [الكف] . عيار 5 اصابع وهو سلاح قريب المدى يجعل الدنيا تلف حولك متل السكران.. يستعمل في حالة التعصيب المتوسط. . [القرصه] . عيار 3 اصابع وهو ايضا سلاح قريب المدى + صامت غالبا ما يترك علامه زرقاء بجسد المصاب ويستعمل في حالة وجود ضيوف . [الخيزران] . عيار الخيزران واحد سلاح محرم دوليا متوسط المدى يترك آثار هائله في الجسم ويستعمل في حالة العصبيه الشديده . [الشحاطة] . متعدد العيارات حسب نمر الأرجل المتوفره في المنزل.. سلاح متطور جدا. يمكن استعماله في عدة اشكال والمستويات فهو سلاح قريب وبعيد المدى في نفس الوقت.. فيمكن ان يستعمل كصاروخ آرض جو موجه بدقه يجيد اصابة الهدف بدقه متناهيه ولو كنت على بعد 30 متر و دمتم سالميييين مو معقول هالوضع يا جماعة. بتمشي بالشارع بتخاف تنقنص بتطلع بالتكسي بتخاف تنخطف 🚖 بتطلع من البيت بتخاف ينسرق بتمرعالحواجز بتخاف تنعفط بتطنش الشغل بتخاف تنفصل بتصرف المصاري بتنخاف تنزنق بتخبي المصاري بتخاف تنزل قيمتها و تنغدر بتشتري اكل كتير بتخاف ينتزع بتشتري ربطة خبزوحدة بتخاف ينقطع بتمشي عالرصيف جنب السيارات بتخاف تنفجر بتمشي بنص الشارع بتخاف تندعس 🚍 بتقعد بالبلد بتخاف تنقصف بتسافر برا البلد بتخاف ما يستقبلوك و تنقلع بتقعد بتفكر بتخاف تنجلط بتروح بتنام بتخاف تنفلج Welcome to Syria
Posted on: Wed, 19 Jun 2013 13:11:19 +0000
Trending Topics
Recently Viewed Topics
© 2015