:: الشيعة بالبلدي :: (1) الشيعة في اللغة يعني أنصار و محبين و أتباع وشيعة فلان يعني أتباعه وأنصاره زي ما تقول كده أتباع الشيخ فلان يعني تلاميذه و محبيه ومستمعيه أو زي ما تقول مثلاً ألتراس الأهلي أو ألتراس الزمالك . التشيع في البدايه كان مجرد خلاف سياسي ظهر بعد ما حصلت الفتنة بين علي بن أبي طالب رضي الله عنه و معاوية بن أبي سفيان رضي الله عنهما بعد مجموعة من الأوباش و الصيع قتلوا عثمان رضي الله عنه كانت المشكلة والخلاف إن معاوية رضي الله عنه عايز ياخد ثأر عثمان رضي الله عنه قبل أي شيء و كان رأي علي رضي الله عنه إنه يصبر شويه لحد الأمور ما تستقر وعقيدة أهل السنة إن رأي علي رضي الله عنه هو الصواب و إجتهاد معاوية رضي الله عنه خطأ مع مكانة الإثنين إنهم صحابة أجلاء و إن كان علي رضي الله عنه أفضل سواء في الصحبة أو الفضل و بس يعني ما نقولش أكتر من كده علي رضي الله عنه معاه الحق و معاوية رضي الله عنه إجتهد فأخطأ . وهنا بقى فيه أنصار لعلي رضي الله عنه وأنصار لمعاوية رضي الله عنه لحد ما ظهر يهودي إسمه عبد الله بن سبأ أو بن السوداء كان بيتستر بالإسلام و يُبطن الكفر قعد يرمي شبهات على الناس ويلبس عليهم وخصوصاً إن فيه ناس كتير دخلت الإسلام بعد الفتوحات ما تعرفش كتير عن الإسلام فأول حاجه قالها إن علي رضي الله عنه أحق بالخلافة من أبوبكر وعمر رضي الله عنهما وفيه ناس بقت تقول كلامه . وبرضه لحد هنا و رغم إن الكلام خطأ و أن الخليفة أبو بكر الصديق يليه الفاروق عمر بن الخطاب رضي الله عنه يليه عثمان رضي الله عنه إلا إن حتى اللي كان بيقول بأحقية علي رضي الله عنه بالخلافة قبل الثلاثة و بس و إن كان على خطأ ورغم إن كده بدأ إطلاق إسم الشيعه إلا أن التشيع لو لحد كده ممكن نعتبره خلاف و الناس اللي بتقول كده أخطأت وخلاص لكن دخل التشيع عقائد قذره عملهالهم عبد الله بن سبأ كوكتيل من العقائد النصرانية واليهودية والمجوسية .. يتبع ..
Posted on: Fri, 22 Nov 2013 12:06:44 +0000