الموقف ده اتبعت من اول الفقره بس خليته اخر موقف عشان يبقي ختامها مسك (Y) ___________________________________________________ بدايه كده انا عارفه ان الموضوع طويل بس والله مش هتندموا اما تقرأوه .انا هقول حاجه محدش يعرفها غير ربنا وانا بس ... انا طالبه فى طب اسنان واتخرجت السنه الى فاتت الحمد لله ... كنت لسه فى اول سنه فى الجامعه وداخله مقبله اووى على الدراسه وفجأه حسيت بتعب شديد اووى عملت فحوصات وعرفت ان عندى سرطان فى المخ تقريبا الاحساس الى كنت حساه ساعتها كانت احساس اشبه بالموت الاقبال الى على الحياه رااح وطبعا كنت محجوزه فى المستشفى علشان هعمل عمليه اشيل بيها الورم المهم انى كنت مدمره نفسيا بشكل غير عااادى وفعلا خلاص اتحدد ميعاد العمليه وقبل العمليه بيوم واحد كنت قاعده فى الاوضه بليل بقرأ فى كتاب بسلى نفسى بيه يعنى حسيت فجأه ان الاوضه بقت بارده اووى وفى تيار هوا شديد جداا فى الاوضه لدرجه ان ازازه الدوا وقعت اتكسرت مع اننا كنا فى شهر 7 يعنى عز الصيف والاوضه مفيهاش غير شباك ومقفول بعد خمس دقايق كده تقريبا ابتدى الهوا يهدى شويه وابتديت احس بنفس فى ودنى وحاجه بترجع شعرى لورا فى هدووء تام ساعتها اترعب واتسمرت مكانى معرفتش حتى اغمض عينى من الخوف سمعت صوت ساعتها واضح فى ودنى قالى متخفيش هتكونى كويسه وساعتها الجو رجع لحالته الطبيعيه فى الاوضه والصوت اختفى تماما طبعا قمت جرى ناديت على ممرضه تيجى تقعد معايا فى الاوضه بحجه انى حاسه انى تعبانه شويه وده طبعا لانى كنت مرعووبه بمعنى الكلمه المهم فعلا عملت العمليه وبقيت كويسه الحمدلله وبعد اسبوع بالظبط وكنت خلاص خارجه من المستشفى سمعت نفس الصوت ده بليل تانى بس كان بيدندن بمزيكا هاديه فى ودنى والغريبه انى مخفتش المره ديه زى ما يكون كانت مشاعرى اتجمدت فى اللحظه ديه واختفى الصوت تانى ورجعت البيت وابتديت استعد لحياتى العمليه تانى وكليتى المهم فى يوم قاعده بزاكر فى اوضتى عادى حسيت بحد بيلعب فى شعرى براحه ونفس صوت الدندنه قمت قعدت اتلفت فى الاوضه كلها انى الاقى مصدر للصوت ابدااا وفجأه اتكلم بوضوح وقالى انه جنى وبيحبنى وعاوز يتجوزنى اغم عليا فى ساعتها من الرعب مع ان الصوت الى كان بيتكلم كان هادى وعذب جدااا طبعا عندى فى البيت فوقونى وعدى كام يوم وربنا وحده الى يعلم عدوا ازاى عليا من الرعب الى كنت فيه مع العلم انى معرفتش اهلى بالى حصل اصلا بعد كام يوم ظهرلى بنفسه على هيئه غايه فى الجمال والغريب ان برضو مشاعرى اتجمدت فى اللحظه ديه ومكنتش خايفه نهائى وابتديت اتكلم معاه ورفضت الموضوع قالى هيسبنى فتره افكر واحكم عقلى والى كنت مستغرباه انه كان بيكلمنى بهدوء من غير تهديدات فات كام يوم وانا مكتمه الموضوع تماما وجالى تانى وقالى قولى قرارك رفضت تانى وانا متوقعه انه هيأذينى اما اعمل كده بس كان العكس تماما قالى انا هسيبك بس هفضل ملازمك طول عمرك وهسيبك تتجوزى وتعيشى حياتك بس اما اعوز اتكلم معاكى هظهرلك تانى وطبعا ده كان وعد بينا ولحد دلوقتى محدش يعرف حاجه عن الموضوع ده وهو مازال بيظهرلى كل كام اسبوع يقعد يتكلم معايا واوقات بحس بيه معايا فى الاوضه بس سايبى عايشه حياتى طبيعى تماما واتخطبت كمان
Posted on: Sun, 01 Sep 2013 22:46:48 +0000
Trending Topics
Recently Viewed Topics
© 2015