النوع الثالث : بنات عايشين ألا فخونساز زعما و دايرة روحها ميس موند ، هاد النوع لي يسكنو جينيغالمون ف بن عكنون الأبيار ، حيدرة و أخيراً الڤولف أو فهادو برك لوخرين ڤاع فالصو يكدبو على روحهم هههههههههه ليسونسيال هادو مالنوع هادوك لي يسمعو غير ( Zaho , pink , katy perry , cris brown ) المهم غير الڤاوار كيما نقولو فالحومة و إذا سمعت غناء بالعربية تلقاها تسمع ڤروب بابيلون ولا كاميليون باسك عندها هادو ماشي صوسيال و يسمعوهم غير ليزامي تاعها و لي كيما هوما ، تعوم غير ف كلوب دي بان و موريتي باسك ما يدخلوهاش لي يعومو ف قادوس هههههههههههههه تلبس الميني نورمال سي كوول و خوها هو لي يشريلها لي مايو تاع البحر ، تخرج تشوف لي كونسار تاع أمازيغ كاتب و زاهو مع صاحبها ولا ( صون ماك ) كيما يقولو هوما نوورمال تاني سي كوول هههههههههههه تخرج معا واحد وسمو صامي ولا رايان عندهم Vيلا في بوشاوي باباه كولونال و عندو تيڤوان و سيري 6 ملكه الشخصي ، عندها شوية صوسيال في دمها باسك كي تروح تتعشى بررا و لا تروح ل كاش كونسار تلقاها تحط تصاور قبل ما تلحق للدار لوكان تلقى الويفي ف الريسطورون تدخل لفايسبوك تحطهم ، آآه فايسبوك نسيتو ڤاع ، هادي مالنوع لي تنحي العفسة هاديك مين تاجوتي و تلقى عندها 100 آمي برك ، دايرا فوطو دو بروفيل تاعها و فوطو دو كوفاغتوغ تاع مقولة تاع الحب بالإنڤليزية دو جونغ If you go , youll be in my heart forever ههههههههههههه ليسونسيال هادو هوما لبنات لي طايحيين ما عندهومش طوالات فالدار ألوغ هي توجور كرشها جارية ههههههههههههههههههه
Posted on: Sun, 01 Dec 2013 21:07:42 +0000
Trending Topics
Recently Viewed Topics
© 2015