بعد تفكيييير طويل و تردد و حيرة و - TopicsExpress

بعد تفكيييير طويل و تردد و حيرة و دعاء من ربنا انه يهديني للحق وولسة بردو مخدتش موقف معين من اللي بيحصل في مصر ده ..انا مش فاهمة حاجة و محدش فاهم حاجة ..و اكيد مش هعتمد علي الأعلام عشان افهم ..الأعلام من الناحيتبن فاسد و انحيازي وكل واحد فينا بيسمع و بيتفرج علي اللي بيعجب دماغه و بيأيد تفكيره و بيعتبر الجانب التاني فاسد و مضلل ..وانا عمري ماهنسي دور القنوات المصرية في ثورة 25 يناير و محاولتها في فض المظاهرات و تشويها لكن الجزيرة هي الوحيدة اللي كانت بتذيع اللي حصل بس من الناحية التانية و في نفس الوقت مستغربة من انحيازها التام للأخوان و ترويجها للأشاعات.اعلام السيسي بيقول دول ارهابيين و اعلام مرسي يقول دول فلول و ساذجين و عاوزينا كلنا نموت. لغبطة لغبطة كتيير... هل دي ممكن تكون فعلا خطة لمسح ثورة 25 و ابدالها بيوم 30..كلنا عارفين ان ده انقلاب بس انقلاب بمزاج الشعب , و الجيش كان لايمكن يعمل الحركة دي لو مكنش كل العدد ده نزل واكتر من نص شعبنا بيحب الجيش عاوزو يمسك دي الحقيقة المؤسفة ..هل فعلا الجيش و الداخلية كان ليهم خطة لأسقاط مرسي ن الأول خالص ؟؟!..بس علي صعيد أخر محستش ان مرسي عمل حاجة تحسبله و لقيت بس منه اخلال بالوعود و كدب و مفيش محاربة فساد و فعلا كان في أخونة دولة و لو دي خطة و هو عارفها ليه محاولش يبقي اذكي منها ... لكن بردو شايفة ان نظام مبارك راجع بقوته ..فأصدق ميين..التجارب اللي مرينا بيها اثبتت ان االعسكر و الأخوان و الداخلية كدابين..فأصدق مين يا ربي اصدق مين.. يا تري فعلا الجيش حمانا من حرب أهلية و لا هو عمل كدة عشان يمسك السلطة..طب ليه مرسي مطلعش اذكي و قال هنعمل انتخابات مبكرة ,,يا ريتك كنت عملت كدة يا مرسي و انا والله كنت هديك صوتي و زيي ناس كتييير علشان هنعرف انك خايف عاالبلد..يا تري الحق فين هو فين ؟ تيك تيوك تيك توك يا تري الزمن بيرجع بينا لورا و بيعيد نفسه و لا الجيش هيفاجئنا و يطلع فعلا مش عاوز سلطة !! سمعت الطرفين سمعتهم وجهة نظرهم و الاتنين مقنعين و الاتنين حصل من ناحيتهم تجاوزات و الاتنين عندهم اللي يدين التاني بس لقيت نفسي في الأخر مش قادرة اتقبل الطرفين بشكل كامل و محتاجة اسمع رأي انسان معتدل و مش لاقية الشخص ده .. علشان كدة قررت ,, قررت اني هبقي متفرجة مش اكتر و لا اقل و كان علي عيني متفرجش كمان بس للأسف حطيت نفسي في دايرة اني عاوزة اعرف اللي بيحصل. قررت مش هقف مع طرف فيهم و اشجع التاني .الأتنين فاسدين و الاتنين قتلوا و الأتنين بيحاربوا علشان سلطة ايوة هي دي المشكلة الأساسية " حرب علي السلطة" وبيج طوز في الشعب..مش هقف مع طرف غير وضميري مستريح 100% و للأسف ضميري مش مستريح لأي طرف من الطرفين و انا دلوقتي كل اللي هاممني ان محدش تاني يموت, كفاية بقي حرام البقاء لله لثورة 25 يناير و البقاء لله لكل واحد مات علشان عاوز البلد دي تكون احسن بلد في الدنيا.. يا رب اهديني للحق لو انا علي باطل و احمي مصر.نقطة

FOR IMMEDIATE RELEASE: November 1, 2013 LOCAL GROUP FILES GMO

There is going to be a huge protest in Dublin today.A march from

L.E.A.D Killer ⓣⓘⓝⓐ was just iced by ~મ.♝.☂~

Ups I did it again... 6 nights in a row clubbing, tomorrow the

I CAN HEAR THE LIBERALS AND THEIR WHINES NOW... How is Obama a

Best Price Nintendo Wii U 8GB Console Basic Set - White Click

O Almirante Bruce Fraser da Marinha do Reino Unido e o comandante

4GL 4 Generation language 2 3D 3 Dimensions 3 ABC Atanasoft

And now its my turn. Im not going to end this day without

MY EMAIL IS IN THE POST TO CONTACT ME! My schedule is

Muslims believe that Jesus(peace be upon him) is the messenger and

I am Paul Moxom and I own and run the British Groger at Loja. I

It took me a couple days but I finished watching the Bryn

3 måste se dokumentärer: 1- Anonymous Documentary - How

Installing LAMP (Linux, Apache, MariaDB, PHP/PhpMyAdmin) in

Grammar is everything online. If your picture reveals how you

Ateş bir gün suyu görmüş yüce dağların ardında

★♚ PARTY NO BREAK ★♚ ► ATRAÇÕES ☆ Djs: ☆ DJ

Interesting time in financial markets. They seem to be in search

CUIDADO, ATENÇÃO: OS NÚMEROS A SEGUIR SÃO ATERRORIZANTES! A

HP C9342BN 14 Tri-Color Ink Cartridge (Twin Pack) + Cyber Monday

I’m going to Africa in 2 ½ weeks. It’s not a safari, not a