بعيدا عن الرياضة: بالفلاڨي أسئلة بريئة: 1* البارح في الشعانبي ماتو 8 جنود قالو ضربوهم بالكرتوش شبيه ما سمع حد صوت الكرتوش ؟؟ 2* إلى قتلو الجنود بقاو برشة وقت ( الذبح و خلع الثياب موش تقطيع و أخذ المؤنة و السلاح ) وينهم العباد في الوقت هذا الكل ؟؟ 3* الرواية الرسمية تقول كونو إنفجر لغم وصوت اللغم يتسمع من بعيد شبيه ماسمع حد شي ؟؟والأغرب كيفاش يتزرع لغم في طريق معبد كيف مارينا في التصاور؟؟ 4* وزارة الدفاع قالت دورية كوماندوس يعني ثاني أقوى فرقة بعد الرئاسة شبيهم ما ردوش الفعل 11 عنصر مالكماندوس ما ضربو حتى رصاصة علي هاجموهم زعمة إلي هاجموهم 500 باش يعجزوا على الرد 5* 11 كوماندوس بين قتيل و جريح و من المهاجمين حتى جريح لا .. !!!!وللعلم الكوماندوس فرقة قوية في التصويب والتخفي .. علاش ما ردوش الفعل ؟؟ 6* ملي تمت العملية للحظة هذي ماتمش تمشيط المكان لا جوا و لا برا .علاش ؟؟ برغم أكيد إذا الفاعلين ساكنين في الجبل راهم مثقلين بالسلاح و أزياء الجنود إلي هزوهم ـ هذا إذا القاتل في الجبل أصلا ـ 7* الأصل في أي جريمة يتم تشريح الجثة باش يتعرف وقتاش مات المقتول وبهذا يمكن تضييق الخناق على القاتل إلي معروف كونو على ساقيه يعني بطيء وما ينجمش يبعد ـ هذا إذا القاتل في الجبل أصلا ـ 8*طبيب قسم الانعاش بالمستشفى الجهوي بالقصرين الشاذلي المفقودي قال بالحرف " جميع الجثث متعرضــة للطلق الناري ،قائلا "طلق ناري كثيف جدا" وإلي يعاود يشوف تصاور 8 جنود يلقى ثمة جنود مافيهم حتى رصاصة !!!! 9* 3 جنود المصابين كيفاش تجرحوا ؟؟؟ صحابهم مذبوحين وواحد منهم مجروح عندو جرح بسيط في يدو !!! 10* للعلم العملية صارت في منطقة عسكرية مغلقة !!! الجماعة منين جاو ؟؟ 11* للتذكير لعريض و بن جدو و بن نصر قالو الشعانبي ما فيه حد ؟؟ مالا شكون يسرح غادي ؟؟ 12* علاش تمت هالعملية البارح و التحديد بعد 7 سوايع من إجتماع المرزوقي بجنرالات الجيش و ساعة ونص من خطاب لعريض إلي في عوض ما يحكي عالتمرد و الإنقلاب عاود كلمة إرهاب أكثر من 25 مرة و كلمة أمن قرابة 40 مرة !!! للتوانسة إلي يقولو أحنا شعب ذكي و فايق أسئلة برييييييييئة تبحث عن أجوبة جريئة
Posted on: Tue, 30 Jul 2013 20:52:01 +0000
Trending Topics
Recently Viewed Topics
© 2015