تحشيشة رمضان : الحلقة التاسعة ( الجزء 1 ) وبعد ماخسر خونا شوقي خدمتوا المتمثلة في جبَّاس كيما وضحتلكم في الحلقة اللي فاتت ،، شاف اللي هو لازم يدبِّر خدمة أخرى تمكنوا باش يعاون دارهم في المصوف خاصة و انُّوا شهر رمضان معروف لازموا برشا مصروف ،، ياخي قام يسري عالصباح ،، حضِّر روحوا ولبس دبشوا وخرج يتمشَّى في الشارع فمَّاش ما يدبِّر خديمة ( تصغير لكلمة خدمة هعهعهع ) ،، لوِّج منَّا و غادي مخلاَّ ماعمل ،، فركس في البلايص الكل لكن شيء تقول تفقدت الخدم في البلاد ،، خاصة أنُّو 50% مالخدم تختفي في رمضان ،، و بما انو صيف و الطقس سخون ،، تعب خونا شوقي مالتلويج و قرر أنو يكمِّل بعد شقَّان الفطر ،، روح للدار ديراكت لا السلام لا وذني ،، دخل للبيت الدوش ،، عمل عومة باهية و مشى لبيتوا يعمل في تعسيلة ،، وفاق قبل موعد الأذان بربع ساعة ( هعهعهع كيما يعمل أي شاب تونسي بطَّال بالظبِّط ) شق فطروا وخرج لكن المرَّة هاذي خرج باش يلوِّج على خدمة موش باش يمشي يتسكَّع مع أصحابوا في القهوة 100 جـام نكمِّل الجزء 2
Posted on: Thu, 18 Jul 2013 14:00:00 +0000
Trending Topics
Recently Viewed Topics
© 2015