دى قصة أم عبدالله الى عليها دين ب 20 ألف جنيه معلش ارجوكوا 3 دقايق من وقتكم اقرأوا التفاصيل عشان الى يبعتلى جنيه يبقي عارف فلوسه رايحة بالظبط هى وجوزها وولادها: 3 بنات وعبد الله بتشتغل عاملة فالمستشفي العام ساكنين في شقة صغيرة في بيت عيله قديم و الشقة دى نصيب جوزها في البيت و دى الحاجه الوحيده الى بيمتلكوها فالدنيا جوزها قبل الثورة كان عايز يعمل مشروع أعلاف وأصر ياخد قرض من البنك عشان يفتح المشروع ف القاهرة وفعلا خد قرض قيمته 50 ألف جنيه بضمان أرض بيمتلكها صاحبه وجت الثورة واتسرق المحل بالى فيه كله قدمت بلاغ معملوش حاجه.. راحت عالبنك عشان تثبت حالة وتاخد رأفة بس طبعا مفيش بنووك بتتعامل بالرأفة و طبعا هما كانو بيسددوا الاقساط للبنك من شغل المحل ... طبعا بعد ما المحل اتسرق الاقساط متسددتش و بدأ البنك يطالبهم بالفلوس و رفع عليهم قضية لما اتأخروا ... و طبعا بدأ يطالب الضامن بتاعهم بالفلوس لأنه بقي مهدد ان ارضه تروح او جزء منها لان القرض كان بضمان الارض ... فرفع قضية على ام عبد الله بمبلغ ١٩٥٠٠٠ جنيه ... عشان يجبرها تسدد الفلوس .. فيه جزء تانى خاص بزوج ام عبد الله ..كان داخل مع واحد في مشروع تانى في (محله دمنه) عشان كان عايز يجيب فلوس عشان يسدد مشكلة قرض المحل ... و الراجل الى شاركه ده إداله ١٠٠٠٠ جنيه في ايده كده عشان يمشي الشغل بيهم ... و كان ممضيه علي شيك علي بياض عشان يضمن فلوسه دى ... اللى حصل بقي ... الراجل ده مات ... و ولاده رفعوا قضيه ب ٢٤٠٠٠٠ جنيه علي جوز ام عبد الله عن طريق الشيك اللي علي بياض ده ... و طبعا جوز ام عبد الله محيلتوش حاجه ... فدخل السجن بسبب القصة دى بس المشكله مش فكده ... المشكة ان زوج ام عبد الله كان واخد قرض تانى خالص من البنك بضمان مرتبه عشان المشروع ده... و القرض ده كان بيدفعله ٧٠٠ جنيه في الشهر ... و طبعا لما اتسجن مرتبه وقف ... و البنك عاوز حقه ... فالبنك لجأ انه يحجز علي الحاجة الوحيده اللي بيملكها ... اللي هيا الشقة اللى عايشين فيها و بقيت ام عبد الله كده مهدده بمصيبتين ... اولا انها تتطرد من البيت هيا و ولادها و البنك ياخدها ... و ثانيا طالعلها حكم غيابي بالسجن ٣ سنين في القضية اللى رفعها عليها صاحب جوزها الى هوالضامن صاحب الأرض عاشت الست في رعب وخوف ان اى وقت ممكن يقبضوا عليها و هنا ظاهر في الصورة واحد اسمه أ- عباس (صاحب عامل برده فالمستشفي ويعرف مشكله ام عبد الله ) أ-عباس ده شغال في السكة الحديد... و الراجل ده راح بلد ام عبد الله و سأل و لف و تأكد تماما ان روايتها صادقة ... و بعد كده حول مرتبه علي البنك بدل مرتب جوزها عشان يوقف الحكم بالحجز عالشقة مؤقتا لحد ميجمع باقي المبلغ و سافر القاهرة وتواصل مع مصر الخير و ساعدوها بالى قدروا عليه ام عبد الله اصلا قبل ما يتسرق مشروعهم كانت سددت حوالى ١٨٠٠٠ للبنك غير التبرعات السابقه بفضل الراجل ده فحاليا لسه فاضل 20 ألف جنيه بنك التنمية والإئتمان الزراعي فرع شها .. .. كل الأوراق متاحة وموجودة لو حد حابب يطلّع عليها المطــــــــــلوب محتاجين تبرعات بأقصي سرعة عشان نلحق نسدد للبنك الفلوس الى يقدر يساعد ولو بمبلغ بسيط الموضوع هيفرق كتيير ,, انا معايا حاليا حوالي 4000 جنيه البنك حدد الشهر ده اخر مهلة للأم عشان ميتحجزش علي شقتها shareeeeeee
Posted on: Fri, 13 Sep 2013 00:58:01 +0000