صباح الخير سي العجمي Ajmi Lourimi ، خسارة ساعة حبيت نقابلك البارح ، حسيت بضرورة ملحة باش نقابل نهضاوي و موش أي نهضاوي ، إنتي بالذات نظرا لأني أعتقدك نظيف و نزيه ، ممكن نكون مخدوع بنظرة عينيك البريئة ، الله أعلم ، يا سي العجمي راني حكاية أخرى عكس المروج عني من ماكينات التشويه متع برشا أطراف و عكس ما يمكن فهمه من بعض كتاباتي ، مانيش صغير برشا في العمر ، ولد عايلة و في الدنيا ما نقولش كلام زايد ، متربي و تغرس فيا مالصغرة كم رهيب متع قيم أخلاقية فقدناها توا ، بابا الموظف النزيه جدا إلي دخل 17 واحد من زملائه المرتشين للحبس عام 86 في وزارة المالية و شكرو الوزير و وصلو تشكرات و إحترامات بورقيبة شخصيا بعد مدة يلقا روحو مكنجل (في الفريكو) لين فهم روحو و خرج وحدو ، في التسعينات وحنا في حالة مادية صعيبة أقترح عليه حزب من المعارضة الكرتونية باش يدخل للبرلمان بإسمهم نظرا لنزاهته المعروفة لكنه رفض ، رفض زوز ملاين و نص شهرية و دار و كرهبة رغم الحاجة ، قال : لن أنتمي لبني وي وي ، جدي إلي نعتبرو واحد من أشرف رجال الأمن إلي عرفتهم الداخلية (وزارة القتل و التعذيب و الكذب و المؤامرات و الدسائس) إلي طالب بتقاعد مبكر عام 75 عن سن 51 سنة و في الدار قال بأنه في يوم قريب جدا البوليس التونسي باش يضرب المواطن بالكرطوش و نهارتها ما يحبش يكون ينتمي لجهاز البوليس ، و ضرب البوليس التونسي ولادو و خواتو بالكرطوش عام 78 و 80 و 84 ، هاذي لمحات صغيرة برشا ملي عملوه ، أنا تربيت مع الزوز شخصيات هاذي (بابا و جدي) في دار جدي ، تربيت على إحترام الدولة و القانون و المؤسسات و على الوطنية الصادقة و برشا قيم أخلاقية فاضلة خلاتني نفشل في حياتي مؤقتا ، ساعات نقول لبابا من باب الدعابة : لازمني و لو ذرة صغيرة متع خسة و نذالة باش نسلكها في حياتي ، شي ما نجمتش ، رغم أني حاولت في فنراة معينة من حياتي باش نتطبع بشوية وبوشية لكني فشلت ، المهم يا أحلى خوانجي فرنكوفوني حبيت نقلك راني رغبت في لقائك في إطار ثوريتي و رحلة بحثي عن الحقيقة معناها لاني طالب فلوس و لا خدمة ، حبيت قعدة صغيرة متع ود ، وددت أن أستوضح أشياء ، أن أفهم أشياء ، ممكن نكون فهمت بالغالط بعض رسائلك الخاصة عالبريفا في الفايسبوك إلي نقلتلي محبتك و إحترامك ليا ، ممكن ، بما أن عاطفتي و رومانسيتي ساعات يتحولو لشوية غباء ، على كل ، مازلت أحترمك و لا أعتقدني مغير ، إنشالله المانع خير ..... هنا لا بد من التوضيح ، لا أحمل أي ضغينة تجاه أحد و لا أعتبر أي طرف عدو ، ممكن نكون عندي موقف ضد غباء بعض الأشخاص لكني لا أحارب أحدا ، العدو الحقيقي خارج البحار ، لا أقصد الآخر بالمعنى الواسع للكلمة ، كل شعوب الأرض مستضعفة و مضطهدة بما فيهم المنتمين لما يسمى بالدول الكبرى ، بالنسبة ليا التوانسة الكل عزاز عليا ، ممكن تراوني نهار نشرب قهوة مع نهضاوي صحيح ، مع شيوعي ، الشيخ كان لزم الأمر ، حمة ، أي طرف ، موش معناها ننتمي لإيديولوجيتو ، البارح مثلا شربت قهوة مع السيد المستشار Manar Skandrani في القهوة العالية متع الكرم و كام معانا زياد الهاني ، حديث رائع و راقي دار ، لعشية توا نكتب على هذا ..... بالنسبة لصابر الحمروني (متع باب سويقة) ما نجيش ربع راجل كان مازلت نعملك تاليفون ههههه والا نسلم عليك في مؤتمر ، أما خليني نقول كليمة صغيرة ، توا إنتي ولدهم و عديت شطر عمرك حبس على خاطرهم و مع هذا خرجو عليك مهبول و بحرابشك ، مالا أنا آش ممكن يعملو فيا و يقولو عليا ؟ لا حكيت معايا و لا عرفتني ، تسمع عليا ، في بالي ، و لمحتلي برشا مرات ، إي سيدي خويا ياخي تشوفني بعيون البوجادية ؟ ملا ميزان عندك ، إلي ما يعرفش يقدر قيمة الرجال يتعب و يعدي عمرو مع الأوباش ، موش مشكل ، نعرف حياتكم صعيبة ، نحكي عليكم نتوما موش لخرين ، تي ملخر ربي مازال هوني و ديما هوني ، تي شبي بعضنا ساعات ينسى هالمعطى الهام جدا ؟؟؟؟؟ الحمد لله أني لم أنتمي إليكم يوما ، رغم أني عديت جزء كبير من حياتي متعاطف معاكم و شبه معادي للآخرين بمت فيهم عايلتي ، الحاصيلو اليوم نهار جميل متع خرجة و تحويسة ، إلي يحب يشرب معايا قهوة هاني في شارع بورقيبة ..... نهاركم طيب ..... _
Posted on: Sat, 06 Jul 2013 08:36:08 +0000
Trending Topics
Recently Viewed Topics
© 2015