طائرات السيسي رمت علينا منشورات في رابعة أثناء التهجد مكتوب فيها : يا شباب التيارات الدينية ، لا يشكك أحدٌ أبداً في وطنيتكم وإخلاصكم وإيمانكم ، من سيترك الإعتصام ويعود لبيته فلن نلاحقه ، ومن يبقي فهو آمن ، ورجاءً حافظوا علي سلميتكم ============== 1- أولا إحنا مش رابعة بس ، إحنا ملينا ميادين القاهرة اليوم . CNN اضطرت تقول :Morsi supporters fill Cairo streets .. وأنا عارف إن الانجليزي بتاعك مش بعافية !! 2- إحنا مش تيارات دينية وبس ، وإن كان دة لا يعيب أبداً ، وإن كان في النواة شباب الفكر الإسلامي ، بس الحقيقة إن الي بينزل من حوالي يومين هما كل أنواع وأشكال وأطياف الشعب المصري ، بكل مستوياته وطبقاته الثقافية والإجتماعية والدينية ، فقط لرفضهم الفطري للظلم والجُرم والإنقلاب والإستبداد . وأنا عارف إنك راصد وشايف !! 3- بتقول محدش شكك .. أومال كل قنواتك وجرائدك الخاصة والحكومية فضلاً عن بياناتك العسكرية والشرطية بتسمينا إرهابيين ليه ؟ بتشوه صورتنا ليه ؟ بتشوش علينا ليه ؟ بتدّي الرأي العام معلومة كاذبة عننا ليه ؟ دة إنت مانع أي قناة تحط كاميرا بس علي أي اعتصام أو مسيرة حتي لا يتعاطف معها وينبهر بعددها العوام . كدب دة ولا مش كدب ، يا متعلمين يا بتوع المدارس !! 4- بقي يا راجل : اللي هيروّح مش هتلاحقه ، واللي مش هيروّح آمن .. حد فاهم الفرق ؟ هو اتوبيس كام بيروح فين ؟!! 5- أديك اضطريت تعترف بمدي سلميتنا ونقاء وصفاء حركتنا ووقفتنا بنفسك أهو ، ولكنك متأكد إن إعلامك مش هيجيب سيرة عن منشورات طائراتك دي وأخيراً : واضح تماماً إنكو في منتهي الإهتزاز والإتباك والتخبط .. إنقلابكم بإذن الواحد في مراحله النهائية ، يلفظ أنفاسه الأخيرة .. لن تستطيعون أن تحكموا شعباً بالبلطجة والقمع ، حتي لو سكت عن جرائمكم الرافضون لحكم د.مرسي ، وبعضهم إخوةٌ لنا !! سلاماً !! منقوول
Posted on: Sat, 13 Jul 2013 08:04:44 +0000
Trending Topics
Recently Viewed Topics
© 2015