عمر الشريف. دائمآ نسمع جملة *الفنان العالمى* عمر الشريف, ونفهم الجملة على إنهم بيقولوا عليه كدة من باب الإحداث او تلاقيه مثلوا كام فيلم فى بلاد برة, أو عشان طلع دور شرفى فى كام فيلم مهم. طبعآ الكلام ده مؤسف, ويكسف, إن شريحة كبير جدآ من الناس واخدة كلمة *الفنان العالمى* عمر الشريف على إنها كدة. لكن فى الحقيقة, عمر الشريف ممثل عظيم جدآ لدرجة صادمة للواقع المصرى, ومش بيتقال عليه إنه فنان عالمى عشان طلع كومبارس فى فيلم أمريكانى زى عمرو واكد ولا خالد النبوى, إنما عشان: 1- ترشح عمر الشريف للفوز بجائزة أوسكار أحسن ممثل فى دور مساعد سنة 1963 لفيلم لورانس العرب, نفس الفيلم ده كسب 7 جوائز أوسكار مختلفة. يعنى فيلم عملاق. 2- فى سنة 1965, قام عمر الشريف بدور البطولة فى الفيلم العملاق Doctor Zhivago واللى فاز ب 5 جوائز أوسكار مختلفة واترشح ل 5 زيهم. عمر الشريف لم يكن مرشح للجائزة, لكنه كان بطل الفيلم الحائز على كل هذه الجوائز. 3- فاز عمر الشريف بجائزة جولدن جلوب مرتين,مرة لفيلم Doctor Zhivago والأخرى لفيلم لورانس العرب. 4- سنة 2003 ترشح لجولدن جلوب عن فيلم Monsieur Ibrahim 5- معظم أفلام عمر الشريف ترشحت لجوائز الأوسكار وجزء ليس بقليل منهم حاز على الجائزة بالفعل. وأحب افكركم, عمر الشريف كان بطل الأفلام دى وليس مجرد ممثل أو مشارك فيها. 6- ترشح عمر الشريف لأكثر من 8 جوائز أخرى فى مهرجانات مختلفة مثل فينيسا و Laurel Awards و Bambi Awards و غيرهم. 7- افلام عمر الشريف الذى قام فيها بدور البطولة, أو مساعد البطل, حائزة على تقييمات عالية فى موقع IMDB تتراوح من 7 إلى 8.5 وبعض منهم مرتب فى قائمة أعلى 200 فيلم تقييمآ وبعد كل ده, لو لسة بتتجنب جملة *الفنان العالمى* عمر الشريف, ومش عارف بيتقال عليه عالمى ليه و مش مهتم من الاساس تعرف هو عالمى ليه, تبقى ظلمت رجل شرف البلد دى فنيآ بالشكل ده. ولو كل إهتمامتك هو يهودى ولا مسلم وكان إسمه ميشيل أول ما إتولد واتجوز فاتن حمامة وطلق معرفش مين وحفيده معرفش إسمه ايه, يبقى انت إنسان بتقلل من قدر فنان كبير جدآ, زى عمر الشريف. فنان *عالمى* زى عمر الشريف. وشكرآ
Posted on: Sat, 20 Jul 2013 01:51:16 +0000