فمّا عباد الكرتوش الحيّ و شويّة فيهم .. يكرّهوك في الفايسبوك و في العيشة في تونس أكثر ما إنت كارهها نذكر منهم : 1- جماعة je travaille pas mes parents sont mes sponsorsو جماعة نقشّر في التفّاح عندApple و نقشّر في البرتقال عندorange 2- أكا البنات إلّي يجيوها زوز مراول خلعة و كلاسط من تركيا تعمل page و تسمّيها vente t shirt burberry en Tunisie 3- جماعة إلّي يكتبلك على mur صاحبو إيجا إنبوكس و الغريبة الآخر يجاوبو tte de suite على أساس مينجمّش يبعثلو ميسّاج 4- التقيّؤات الأدبيّة إلّي نرا فيها ناس تكتب في جملتين ما جاو شيئ يحبّو يردّو رواحهم يفهمو في الأدب بلّاهي بلّعو 5- العباد إلّي تحطّ 624821584272 تصويرة نحبّ نقلّهم راهو فايس بوك مش كارت ميموار 6- جماعة جميلة بغروري و عفيفة بحجابي و جذّابة بشلاغمي نحبّ نقلّكم إرتاحو رانا قريب نطنبشُو في 2014 7- ما ننساش أقرب الناس إلى قلبي وحدة تقصّها مع صاحبها لازم دمرنا معاها بالكبّي إلّي مهبّطتتو 8- جماعة sans 7ogra invit و invit moi je suis bloqué 9- الناس إلي تحطلو Jaime و تاخو معندو Statut ( حتى وكان جا كاتبُو هو) .. يولّيلك إبراهيم الفقيه و يبدى ينكِّس و يصيح و يعيّط تقول عليه عاطيك عشرة ملاين 10- ويحلو الختام مع أستحلفك بالله أن تضغط لايك و اعلم أنّ الشيطان قد منعك ... كان مشاو صلّاو ركعتين لربّي و سيّبونا خير و برّا إحلف على راجلك و لا مرتك خير و أعتقنا بلّاهي نحبّ نسألهم من أنتم و من ورائكم و ما هي أهدافكم ؟! موتوا مُوتُوا مخيبكم
Posted on: Fri, 15 Nov 2013 19:50:33 +0000
Trending Topics
Recently Viewed Topics
© 2015