ليا صديق اخوانى هشردله منغير اسم مش علشان حاجة علشان بس افكره بأيام كنا بنزعل منه و كان بيقاوحنا : الصديق ده انا و اخويا بنعزه لدرجة ان لو حصل مشكلة للاخوان بنطمن عليه عمره معملها معانا يمكن كمان مرة كان بيحرض على ضرب القضاه فى اجتماع ليهم فى عهد مرسى رغم علمه بوجود اخويا اللى هو صاحبه فالاجتماع و فى حادث تصادم القطار باتوبيس المدرسة مش هنساله كومنت كتبه تعليقاً عن شاهد قال " انا شفت مخ بنى ادم " فكان تعليقه " ههههه طب اعملنا سندوتش " و كأنه انسان سادى فاقد كل انسانيته الايام دارت و هو دلوقتى بيكلمنا عن نفس الصور اللى اتريق عليها قبل كدة مطالب الجميع بالتعاطف او يبقى احنا اللى ارهابيين و معندناش دم لما كنا بنكلمك على الدم كنا بنتكلم عن احساسك دلوقتى و احساس ابشع فى بيوت المتوفيين فاكر لما فقدت انسانيتك ؟! كنا احنا كمان بنفقدها متزعلش مننا بقى !! و رغم كدة هتفضل عزيز عليا جداً :)
Posted on: Thu, 15 Aug 2013 15:10:20 +0000
Trending Topics
Recently Viewed Topics
© 2015