مساء الخير انا خطيبى مسافر والمفروض انة هايرجع على الجواز على طوول فهو عامل توكيل لمامتة اننها تقبض مرتبة والمفروض اننا احنا اللى هانجهز الشقة عشان طبعا لو استنينا لما يرجع يبقى كدة هانطول فلما بنعمل حاجة فى الشقة بقابل مامتة وباخد منها الفلوس فانا حاسة انى مش براحتى فقولتلة اية المشكلة اما اخد الفلوس من مامتك عادى بس مش عشان حاجة معينة يعنى ان فلوس خطيبى تبقى معايا ولما الاقى حاجة بالصدفة محتاجنها فى شقتنا اجبها مش هاستنى لما اقولة الاول وبعدين اقابل مامتة واخد الفلوس فقالى اوك انا معنديش مانع انك تاخدى الفلوس بس انا طالع عينى فى السفر فالاهم تجيبى الحاجات الاساسية مش اى حاجة وخلاص (مع العلم انة حاسس ان عندى فى البيت مش مقدرين انة متغرب وان قلبهم مش على فلوسة ) وف اخر الكلام قالى انزلى واتفرجى وشوفى اللى عايزاة وقوليلى وهابعت الفلوس انا كدة بقى استفدت اية فقولتلة يعنى انا ابقى فى مشوار بعدي مثلا وعجبنى حاجة اسبها واستنى لما اقولك الاول وتبعت فلوس وبعد كدة ادب المشوار تانى عشان اجبها فقالى اومال هاتجيبى الحاجة من غير ماتقوليلى دى حاجتنا احنا الاتنين فاانا دلوقتى متغاظة منة جداااااااااااااااااا ومش عارفة مين فينا الصح
Posted on: Sat, 30 Nov 2013 15:45:00 +0000
Trending Topics
Recently Viewed Topics
© 2015