مشروع ثقافى بسيط عندنا تقريبا على ما اتذكر 27 محافظه عندنا تقريبا وزاره شبه مفقود الأمل فى انها تعمل أى تغيير عندنا آلاف المواهب والعاملين بالفنون والثقافه عندنا مئات الكبارى والخرابات والأماكن المهجوره فى كل احياء الجمهوريه عندنا تقريبا 85مليون مواطن وميزانية الدوله مخصص منها تقريبا 8ف المائه من الاجمالى للثقافه يعنى تقريبا ف حدود شلن يزيد أو يقل قرش أو اتنين مخصصين لكل مواطن علشان يتفرج على مسرح ويشوف سينما ويسمع مزيكا ويقرا ويرسم ويتعلم فنون بشكل عام عندنا مئات وربما آلاف كل سنه بيتخرجو من كليات ومعاهد بيتعلمو فن وتقريبا لما بيخلصو تعليم مابيبقاش فيه أى فرق بينهم وبين أى حد اتعلم فن ف مركز شباب او ف ورشه او ف مدرسه او اى حاجه يعنى تقريبا بيخرج يتعلم من أول وجديد وهو اللى بيعتمد على نفسه ف التعليم وبعد كده يا بيكمل يا بيسافر يا بيجيله احباط وبيبطل ممارسة فن وبيشوف أى حاجه ياكل منها عيش ويبدأ يتعلم من أول وجديد طب وبعد الهرى ده كله ايه المطلوب ؟ بكل بساطه مطلوب توفير مساحه مكان اى خرابه أو تحت أى كوبرى او أى مكان تابع لأى جهه تبع الدوله لإنشاء مسرح وسينما ويعتبر ده المركز الرئيسى للفنون ف الحى ده ويتم تأجير محلات أو شقق فى وسط باقى المحلات اللى بيتباع فيها الفول والطعميه والبقاله أو أى منتجات استهلاكيه أو محلات ألعاب ترفيهيه أو ما شابه ذلك المحلات او الشقق دى لازم تبقى ف وسط الناس وف الحوارى والشوارع الخلفيه والعزب والكفور والأماكن المتدمره جوه المحلات والشقق دى لازم يبقى فيه مكتبه متنوعه وفيديو بروجيكتور وسماعتين صغيرين على قد المكان ايه يحصل ف الأماكن دى بعد ده كله ؟ الأماكن دى بتستقبل الأطفال والسيدات اللى ساكنين ف المنطقه وجوه المكان يتعرض للأطفال عروض للأفلام وشرط انه يتفرج انه يبقى ليه كارت عضويه وشرط كارت العضويه ان امه أو ابوه يجو يحضرو محاضره مسئول المكان يكلمهم فيه عن المكان وعن نماذج لفنانين ومثقفين من مناطق شعبيه وفقيره قدرو يغيرو من نفسهم ويأثرو ف المجتمع اللى حواليهم وف نفس الوقت يشرحلهم يعنى ايه تطوع وايه اهميته ويخليهم يملو استماره لإبنهم او بنتهم ويكون فيه شرط معلن جوه الاستماره ان اهل الطفل او الطفله المستفيدين من المكان يتطوعو ف الشهر ف أى يوم يناسبهم بساعتين من وقتهم لصالح خدمة ما للمشروع طب وهنكتفى بموضوع الفيديو والأفلام للأطفال وخلاص ؟ لأ طبعا مش هنكتفى بكده لكن هيبقى فيه مشروع محدد وواضح بيتم كتابته والاتفاق عليه واعتماده ف المركز الرئيسى اللى هيتعمل فيه المسرح والسينما اللى مكان الخرابه أو تحت الكوبرى طب ليه ما يبقاش فيه مشروع واضح من البدايه ويتم تكليف القائمين على المحلات أو الشقق اللى بيتم توزيع المنتج الثقافى من خلالها؟ لإن بكل بساطه كل منطقه مختلفه عن التانيه ومشاكلها متفاوته وكمان لما تبقى مشترك ف بناء المشروع هتحبه وهتحاول بكل الطرق انك تخليه ينجح لكن الاتفاق هيكون بس على مبادئ وأفكار واضحه وهيبقى فيه رقابه كامله من المجتمع المدنى ومن المؤسسات الثقافيه اللى ممكن يشاركو ف بعض المشروعات أو ف تطويرها أو فى رفع قدرات اللى هينفذو المشروع وهيسوقو للمنتجات الثقافيه والفنيه طب وبالنسبه لموضوع الشباب اللى بيتخرجو من المعاهد والكليات الفنيه اللى اتكلمنا عنهم ايه ظروفهم ؟ بكل بساطه كل واحد بيتخرج بيبقى عنده مشروع تخرج كل سنه وعادة بيبقى تحصيل حاصل وبيبقى حسب ظروفه مع الدكتور اللى بيشرف ع المشروع وعلشان كده احنا هنساعده انه يعمل مشروعه بشكل مباشر على الأرض ف وسط الناس اللى هيقدملهم منتجه الفنى بعد كده وهيبقى الدكتور ليه 50 ف الميه من درجات التقييم والخمسين ف الميه التانين نصهم للمسئولين عن المشروع ونصهم للناس المستفيده استفاده مباشره من منتجه الثقافى او الفنى طب وبالنسبه انى طولت أوى ف الرغى هنا واكيد فيه ناس كتير زهقو من القرايه ؟ طب انا عندى مشروع كامل بأليات تنفيذه بكيفية توفير موارد ماليه بالنتايج المتوقعه بالأهداف بإيه المجالات المبدئيه اللى هنشتغل عليها بمساحه مرنه تسمح بحذف واضافة افكار وعدم رغبه بالاستفراد بإدارته أو الاشتراك ف ادارته من الاساس واللى يحس او يحب من الساده الافاضل انه يقدر يشترك او ياخد المشروع يشتغل عليه يكلمنى وليلتكم عنب انشاء الله
Posted on: Wed, 06 Nov 2013 23:15:45 +0000
Trending Topics
Recently Viewed Topics
© 2015