مقطع من المقال: (اعتبر وزير الشؤون والدينية والأوقاف، بوعبد الله غلام الله، دعوة مجموعة من الأشخاص ”غير صائمين” لتنظيم حركة انتهاك حرمة رمضان علنا منتصف نهار اليوم بمدينة تيزي وزو تحديا.) صحيّت يا غلام الله صحّيت، ضحّكتني. عندي سؤال لك: أليست سرقة أموال الشعب من قبل نواب ووزراء وممثلين كبار في حكومتنا انتهاكا في حق الشعب؟ والفساد والرشوة اللي يمارسوها المسؤولين الكبار تاوعنا ما شي انتهاك خطير ، أليست هذه الممارسات حرام؟ أليس ضرب الشرطة لمواطنين يطالبون بالعدالة الإجتماعية إيذاء للمسلمين، أهو أمر مشروع بالنسبة إليك؟ أيجوز السكوت عن الباطل في ديننا؟ عمرنا ما سمعناك يا وزير الشؤون الدينية تستنكر الفساد والرشوة في بلادنا. وفيما يخص الغداء اللي داروه في تيزي لول بارح، ما لازمش نديروا من الحبة قبة. ما طاحتش قليعة يا سبحان الله. كانت فكرة الغداء في رمضان علنا مبادرة ضد اللاتسامح ومن أجل تقبل الإختلاف ومن أجل تحسيس الناس بضرورة تقبل حرية الإعتقاد في بلدنا. ما عندو حتى علاقة بالماك والا بالإنفصاليين ولا دخل للغرب في هذه المبادرة. اللي يحب يصوم يصوم واللي يحب يفطر يفطر، بينه وبين مولاه، ربّي سبحانه يحاسبو. الدين مسألة شخصية يا خاوتي. ديننا دين تسامح. وزد حتى واحد ما يصوم بالسيف، بركاونا من هذه الديماغوجية الظلامية. الصيام لله وليس للعباد. لازم نحترمو حرية الإعتقاد في بلادنا. كل واحد ودينه. هذه هي الجزائر الديموقراطية الشعبية اللي راني حاب نشوفها. تفكروا سورة الكافرين وين ربّي سبحانه يقول "لكم دينكم ولي دين" . ديننا يضمن حرية الإعتقاد يا خاوتي. الجزائر لكل الجزائريين، مهما كانت ديانتهم ومهما كان اعتقادهم. مع تحياتي الخالصة.
Posted on: Sun, 04 Aug 2013 23:47:18 +0000
Trending Topics
Recently Viewed Topics
© 2015