من اجل مكافحة الاستغلال و النصب اللي يصير على الشباب الليبي في اي شي غير متوفر في البلاد اول على الاقل متوفر ولكن بسعر جنوني على سبيل المثال PS4 !! وبناء على طلب بعض الاعضاء!! طريقة الشراء من امازون وغيره من المواقع الموثوقة عالمياً (قبل ماتنفذ الطريقة و تشري تقدر تسألنا و انقولولك الموقع الفلاني سواء موثوق او لا)!! رابط الموقع فيه شرح مفصل وبالصور ولكن قبل ماتبدأ لازم اتدير الأتي:- تفتح حساب عند مصرف التجارة و التنمية و بعدها تطلب من عندهم فيزا انترنت، تقدر تطلب فيزا انترنت من دون فتح حساب بس الافضل تفتح حساب بيش اي مشكلة تصير في فيزتك تقدر ترجع للمصرف لأنك زبون عندهم وبينك وبينهم حساب! المهم فتحت الحساب تتطلب 500 دينار يعبوهن لكي في حسابك بس حيحزوا على 35 دينار منهن لين لو قررت اتسكر احسابك وقتها يردنلك و مع العلم ان المصرف ياخذ في عمولة سنوية قيمتها 42 دينار! وتوا لما فتحت الحساب و قدمت على الفيزا حتستلمها بعد اسبوع مع العلم ان المصرف ياخذ في عمولة 2.5 دينار على كل عملية شحن للفيزا مهمة كانت القيمة و ايضا يأخذ في عمولة 1% على كل شي تشريه مهم كانت قيمته! وتوا عندك حساب وقاعد تستنى في الفيزا عدي لشركة ارامكس (فرع بنغازي: البركة عند برج النعمان) وبالنسبة لباقي الفروع ماعنديش علم لاني من بنغازي :) المهم اطلب منهم تفتح عندهم حساب Shop And Ship و الحساب حيكلفك 60 دينار بيش يفتحولك بريد بأسمك لمدى الحياة في الدول التالية: (امريكا / بريطانيا / تركيا / الامارات / الصين) البريد اللي يفتحوه لك هو المكان اللي سلعتك تمشيله لما تشري من امازون يعني لو شريت من موقع امريكي حط العنوان الامريكي ولو شريت من اي موقع في بريطانيا او اي مكان من اوروبا حط العنوان البريطاني وهكذا...! في الموقع فيه كيف تفتح اكاونت في موقع الامازون وكيف اتعبي بياناتك اللي من ارامكس و الفيزا وكيف تشري بالضبط! ملاحظة: مش حنرد على سؤال غبي واللي مايلقش رد لسؤاله يعني الجواب موجود في الشرح :D وبالجو اقل مافيها رحمة والدين :) emad-E-three
Posted on: Fri, 14 Jun 2013 02:49:31 +0000
Trending Topics
Recently Viewed Topics
© 2015