يبدى نهار كامل بايعها بلفتة و تضحك و تفدلك و التبسيمة ما تفارقش وجهك حتى الناس يحسدوك خاطر ما عندكش هموم أما ما يعرفوش الي كي يطيح الليل انت تتفكر همومك الكل تتفكّر انّك مقصّر في حق ربّي رغم انّك تؤمن بيه و تخاف منّو,تتفكّر النّاس اللّي فارقتهم بالحياة ولاّ بالموت و خلاّو بلاصة كبيرة,تتفكّر أعز ناس على قلبك و تخاف لا تفارقهم, تتفكر النّاس اللّي جرحوك و ضرّوك رغم طيبة قلبك و محبتك فيهم و وقفتك معاهم,تتفكّر قدّاش ضحّيت و تعبت و ما لقيت شي,تخمّم في النّاس اللّي يستنّاولك أوّل غلطة باش يفرغو فيك سمّهم و يكشرو على انيابهم في وجهك و باقي تحبّهم,تتفكّر الي تحبو و ناسيك و الي تخمم فيه و باعثك..تخمم في الي يجري وراك و كان تطلب عينيه يعطيهملك أما انت متلفو..و تحس الي انت مخنوق تحب تبكي و توهم روحك الي انت قوي و ما فما شيء يستحق, تهز عينيك للسقف و تحمد ربي و تضحك ضحكة صفراء و تقول ينعمبوها الدنيا الي باش تبكيني و تخرج تنهيدة من القلب معاها تفهم كل شيئ أما ما يعلم بيها كان العالي و تغمض عينيك و تقول لا اله الّا الله و ترقد..
Posted on: Tue, 24 Sep 2013 00:40:26 +0000
Trending Topics
Recently Viewed Topics
© 2015