AMC LICENSING REGULATIONS DUH LOHNA LANTIR NAN MIMA IN DAWR ZAWNG ZAWNG KHAR DAWN Ni 10.07.2014 a Mizoram Merchant Association(MIMA) General Headquarters. Aizawl Extended Executive Emergent Meeting chuan AMC Licensing Regulations hmang a AMC in sumdawngte in Register tur Aizawl veng hrang hrang a in register tur a puangin,July thla chhung a in register lote chu an dawr khar sak emaw tihtawp sak emaw a tum hi tha lo a tiin, a theih ang ang a do a tum a ni. MIMA mai bakah NGO Co-ordination pawhin AMC Licensing Regulations hi Ram Leilung fate tan a him lova an hriat avangin an duh lova, heti chunga AMC in hmanluih a tum hi MIMA chuan a duh lo hle a ni. Chuvangin,AMC Licensing Regulations duh lohna lantir nan Ni 17.07.2014 (Ningani) khian AMC Area huam chhunga dawr zawng zawng te zing dar 5 atanga tlai dar 5 thleng khar vek tur a ni a. Hemi ni hian MIMA a Affiliated Association Member zawng zawngte duty turin zing dar 6.30 ah Millenium Centre kawtah kim vek tur a ni a, He hunah hian NGO hrang hrang a hruaitu ten thusawi na hun an nei dawn bawk a ni. Meeting chuan tunah hian AMC ah Mizo nilo hnamdang tam takin in register tumin dilna an theh lut tawh a,heng hnamdangte hi tunah hian la dang thei rih mahsela heng hnamdangte hian AMC Regulations documents phutte hi an neih kim vek avangin Law Court-ah kalin AMC ah hian Court thupekin an in register hun hi a la thleng ngei dawn a, chuvang chuan AMC in hnamdang in register danna Dan a neih hma loh chuan MIMA hian a theih ang angin a do tlat dawn a ni. Aizawl Local Council-te pawhin kan hnamdamna hi ngaihtuah chiangin hemi kawngah hian hmala lo turin MIMA chuan a ngen nghal bawk a. Mizo zawng zawngin North-East State zingah Mizote chauh sumdawnna kawng a chhantlak kan awm zia hi i hre reng ang u. AMC pawhin in register tur hma a lak hi titawp turin MIMA chuan a ngen nghal bawk a ni. (LALRAMSANGA SAILO) General Secretary Mizoram Merchant Association LikeLike ·
Posted on: Sat, 12 Jul 2014 10:32:42 +0000
Trending Topics
Recently Viewed Topics
© 2015