Akamaro ka zimwe mu mbuto 1. Ikinyomoro : gitunze vitamin C, gitera kwihagarika neza, gikoresha impyiko neza, kirakenewe igihe impyiko zirimo imisenyi, igihe kugomera inkari zikaza ari duke duke, goutte, n’umubyibuho w’ikirenga. 2. Ipapayi : kigabanya indurwe mu gifu, kirwanya indwara zo mu mara, kigatera kwituma neza, cyongera amaraso, ni cyiza ku batwite n’abakunda kuvamo inda. Amazi yacyo atera uruhinja kwituma. 3. Pastèque (water melon) : ni igihaza kiribwa ari kibisi, gitera kwihagarika neza, ni inshuti y’impyiko, cyoza amaraso,… 4. Umuneke (w’umushaba) : urakize kuri potasiyumu, urakenewe ku barwaye umutima, ni ibyokurya byiza mu gukingira umwijima,… 5. Inkeri : zikize muri vitamin A, C na E. Ziri mu bikingira kanseri no kurinda imitsi kumagana,… 6. Pomme (apple) : ikingira amara, ikura urugimbu mu maraso, ikabuza imitsi kumagara. 7. Inkeri zirabura (zo mu ishyamba: framboises) : zifite fibres, folates, vitamine C, potasiyumu, fer (ubutare), flavonoïde. Zirakenewe ku barwaye indwara z’ibyuririzi, impatwe, impyiko zikorana intege nke, umwijima, zirukana imyanda mu mubiri. 8. Indimu : zoza amaraso, zikingira ibyuririzi, zirwanya kanseri. 9. Icunga (orange) : zituma amaraso agira ireme kandi zigakingira umubiri. 10. Imbuhu (gaperi) : zikura imisenyi mu mubiri, zivura umutwe, zigakoresha impyiko neza. 11. Inzabibu : zikomeza umutima, zitera amaraso ireme, zibuza urugimbu kuba rwinshi, zikabuza imitsi kumagara, zituma imitsi imera neza, zikingira umwijima, zigatuma amaraso agenda neza mu mwijima. Zirakwiriye igihe umuntu arwaye cirrhose cyangwa afite amazi mu nda (ascite), arwaye karizo (hémorroïdes), impatwe, kuziba amara, impyiko zikora nabi, indurwe nyinshi, umunaniro w’ikirenga wo mu bwenge, igihe ubwenge ari bugufi, no mu gihe umuntu arwaye kanseri.
Posted on: Tue, 30 Jul 2013 08:57:35 +0000
Trending Topics
Recently Viewed Topics
© 2015