“Awor e multitut di esnan ku a kere tabata di un kurason i un alma; ni un di nan tabata bisa ku kualke di e kosnan ku e tabata poseé tabata di dje mes, ma nan tabatin tur kos en komun. I ku gran poder e apòstelnan tabata duna testimonio di e resurekshon di Señor Hesus. I gran grasia tabata riba nan tur” (Echonan 4:32, 33). E pasashi aki ta konektá e disipelnan siendo tin “un kurason i un alma” ku nan “gran poder” den testifikashon. Den e sirkunstansianan desafiante di promé siglo Yerusalèm, na un tempu ora ku Kristianismo tabata impopular, e Kristiannan dediká aki a kompartí nan rekursonan. Nan tabata sostené otro. Nan a pone nan ambishonnan personal un banda. Nan aktitut no egoista i nan generosidat di spiritu a prepará nan pa risibí e plenitut di e poder di Spiritu Santu pa testifikashon. “Ripará ku tabata despues ku e disipelnan a yega den unidat perfekto, ora nan no tabata lucha mas pa e lugá di mas haltu, ku e Spiritu a ser dramá. Nan tabata di un akuerdo. Tur diferensia a ser poné un banda.”
Posted on: Mon, 12 Aug 2013 03:31:45 +0000
Trending Topics
Recently Viewed Topics
© 2015