Beke : CUMA MO RASA Bu bloto biasa jaga jual langsa sangir di pasar 45. Satu hari dia bajual di muka jumbo kong depe langsa memang terkenal manis deng besar2. Baru sekitar 5 menit Bu Bloto abis ator depe buah langsa mo di jual, kage ta sopu satu preman, badan basar, muka sangar kong ba tato banya ley. Tu preman ba dekat pa Bu Bloto kong stengah ba sok,..... Preman :.. Woi, brapa depe harga ente pe langsa ini ????,.. Bu Bloto : ..Pa ente 10 ribu jo satu tampa Bos. (Bu Bloto sadiki totofore ley) Preman : Boleh to mo rasa dulu,... (langsung ambe langsa kira2 10 biji kong rabu-rabu dia sapu sampe rata)... Wah, nda talalu manis ente pe langsa ini no... Nanti ulang jo ne kita beli,... (preman langsung se tinggal pa Bu Bloto) Bu Bloto : (ada ba bilang dlm hati)..Keode, nda ada ontak ini kasta no.... Depe beso Bu Bloto bajual ulang depe langsa di sekitar taman, kong muncul ulang itu preman kemarin. Preman : Mujur kita no baku dapa ulang deng ente. Masih 10 ribu satu tampa ente pe langsa ini ??.. Bu Bloto : Kita kase 5 ribu jo pa bos... (Bu Bloto se kurang depe harga supaya itu preman mo bayar) Preman : ouw, kita rasa ulang jo ne biar cuma 2 biji... (Bu Bloto ada lia dg depe ekor mata, bkn dua biji tu preman da ambe tapi 10 biji).... Wah langsa kemarin ente ada jual ini kang ?? nda talalu manis no... Beso jual langsa baru kwa supaya kita mo bli beso jo.... (preman langsung kase tinggal ulang pa Bu Bloto nda pake perasaan)..... Bu Bloto cuma gigi jari kasiang kong telan ludah... Lantaran tersinggung deng marah, Pulang di depe rumah Bu Bloto pe nyali langsung nae, dia mulai ba pikir beso so nda mo jual langsa tapi mo jual peda nae kelapa. Pagi2 buta Bu Bloto so di pasar 45 ulang, ba ator depe peda mo jual. Bu Bloto cuma ada bawa 10 biji langsa for dia mo makan. Brapa jam kemudian itu preman ta sopu ulang di muka Bu Bloto, cuma dia so nda ba dekat cuma ba lia kalo Bu Bloto ada ba jual langsa ulang atau nda... Bu Bloto pura-pura acuh ley kong sementara makan langsa. Tu preman cuma mondar-mandir nda ba tegor pa Bu Bloto. Bu Bloto : Bos, kiapa ente cuma mondar-mandir begitu, nda mo rasa kita pe jualan inii ???.. (Bu Bloto tunjung dp peda jualan, peda nae kalapa ini tamang)..... Itu Preman cuma bahaga bodoh pa Bu Bloto, pura2 nda dengar kong langsung cakar so nda bale2.... Kira alus Bu Bloto le so mandi kabal di liang kasuang sto, hehehehe.... Preman, na rasa jo itu peda nae kalapa sama deng mo rasa Bu pe langsa dang kemarin....
Posted on: Sat, 09 Nov 2013 07:07:42 +0000
Trending Topics
Recently Viewed Topics
© 2015