CHIEF MINISTER IN MIZORAM RAMRI CHUNGCHANG UNION HOME MINISTER A SAWIPUI Mizoram sorkar leh a mipuiin Assam nena ramri a pawm chu Bengal Eastern Frontier Regulations, section 2 of 1873 anga Inner Line Notification No. 2299p of 20.8.1875 in a tihchhuah ang hi ani. - Lal Thanhawla, Mizoram Chief Minister Chief Minister Pu Lal Thanhawla chuan June 28 khan Union Home Minister Pu Rajnath Singh hmuin, Mizoram dinhmun te a sawipui a, mamawh hrang hrangte a thlen bakah ramri chungchang a sawipui bawk. Mizoram leh Assam ramri chungchang Chief Minister Pu Lal Thanhawla hian Union Home Minister Pu Rajnath Singh chu sawipui bawkin, Mizoram sorkar leh a mipuiin Assam nena ramri a pawm chu Bengal Eastern Frontier Regulations, section 2 of 1873 anga Inner Line Notification No. 2299p of 20.8.1875 tihchhuah hi ani tiin, Buhchangphai bula Ramthar zau pawh hi Mizoram chhung ngei a mi anih thu a sawilang a ni. Chief Minister chuan Inner Line Regulatory system hian hnam lian leh tam zawk tena Mizo tribal te an chimral theihna laka a humhalh dan te sawipui bawkin, ramin khualzin tam zawk a hip theihna tura Ministry of Tourism in ILP thlahdul tura rawtna a siam chu Mizo tribal te lakah nghawng thalo tak a neih theih thu a sawipui bawk a ni. Home Minister Pu Rajnath Singh chuan Chief Minister thu thlente chu tha taka ngaithlain, amah tawiawmtu officer te hnenah tih theih apiang chu tihsak nghal turin a hrilh a ni. Home Minister Rajnath Singh hian November 23, 2013 khan Vairengte, Mizoram ah BJP-in sawrkarna a chan chuan Mizoram leh Assam ramri chinfel ngei a ni ang tiin Mizoram mipui min lo tiam tawh a ni.
Posted on: Mon, 30 Jun 2014 06:36:10 +0000
Trending Topics
Recently Viewed Topics
© 2015