CNE NEWS. - Notisia di polis,Tópiko: Resúmen asistensia polisial en konekshon ku molèster di áwaseru._Djadumingu, 3 di novèmber 2013 den oranan di mardugá pa mainta, polis mester a duna asistensia na vários sitio en konekshon ku molèster di áwaseru i welek: Molèster di awa na: • Kaya Max Henriquez / na altura di Auto City i bisindario• Saliña kasi kompleto• Rio Canario kas a yena ku awa• Monte Carmelo kas di ansiano a yena ku awa• Essoweg• Dominguitu• Koral Specht• Schottegatweg Nrd• Advent Ziekenhuis a haña hopi molèster manera ta kustumber pero no tabata nesesario pa evakuá e pashèntnan• Sto. Domingoweg na altura di e pòmp di gasolin• A sera e kaminda for di Palu blanku ku ‘lint’ pa e outonan no subi Schottegatweg dor ku e nivel di awa tabata hopi haltu• Na Mahaai na altura di Centrum Supermarket i bisindario a yena hopi• Krusada Pater Euwensweg• Heintje Kool• SteenrijkOtro tipo di asistensia relashoná ku e awa ku a kai:• Na Pater Eeuwensweg un tapa di heru ku tin riba e kaminda ei a los i tabata forma peliger. E awa ta bin ariba for di dje. Polis a pone un bari pa seguridat.• Den Breedestraat (O) tambe tabatin un tapa ku a lòs• Na altura di Panama den Otrobanda un palu a kai riba kaminda i tabata opstakulisá e tráfiko ku ta bai direkshon di brug Juliana. Brantwer a kòrta e palu i a kit’é for di kaminda• Kaya Otaheitu / Willem Cratz un dam a kibra• Juliana Dorp palu a kai parsialmente riba asera • Monte Carmelo palu a kai parsialmente riba dak di un kas i riba kaya. Brantwer a aliviá e situashon• Sumatrastraat muraya di un kas a kai. Mester a evakuá e habitantenan. Ban bario bek ta enkargá pa atendé e kaso aki. Entretantu e situashon a normalisá i polis a habri tur e áreanan bek pa tráfiko.
Posted on: Sun, 03 Nov 2013 20:58:08 +0000
Trending Topics
Recently Viewed Topics
© 2015