Da’ororo Assam A’dok-o songdongenggipa A’chik ma’a parang bilgriako nike aro ongsiengako nike aro gima’angenggipa a’dok chigatangna ka’oksie aro ma’a pa jong-ada no-abi rangna kasachake aro da’ororo on’enggipa obostarangko nike aro A’chik jat jatang baksa kumong meligrikani komi-mancha’enganiko nike aro A’chik jat jattangna donue (kattarangko, aro kamrangko) dakaniko nike, dongsiksake dongbrengjae Goalpara districtni ningo donggipa A’chik songrangni Chadambe dolrang 13 – 04 – 2013 tariko Niaboli songo gitalgipa chadambe dol ‘Garo Youth Council’ (GYC) ko Goalpara district-o bikotaha. Uandake an’ching A’chik jat sakantian antangko A’chik ine uipagenchimode aro jattangna kasapagenchim ongode aro a’doktangna chigatangna sanalgenchimode aro an’chingni A’chik pa-gitcham ma-gitcham rangni, an’ching A’chik jatna dakang-gimin kamrangko changsatai nipilatgipa ongenchimode, hai an’ching A’chik jat sakantian Isol-ni an’chingna ongimin gisik/bilrangko jakkale, antangtangko on’kange ia Assam-o A’chik jatrangni gima’angenganiko aro A’chik jatni, katcha’ani aro tomtomani gima’angenganiko aro A’chik-ni a’dok chigatangni gima’angenganiko, changsatai, hai kaosigipa A’chik jat sakanti nangrime kucholsan indakgipa rangoni ko naljokatpana chanchie kamrangko ka’angtokpana. Aro chusokaniko mana Isol-o kadonggiparang onge dondikpilgija aro nengtakgija ka’angtokpana.
Posted on: Tue, 09 Jul 2013 08:29:23 +0000