Den tur generashon, e Spiritu di Dios ta lucha pa trese reavivamentu na kurason di Su pueblo. Reavivamentu ta un eksperensia kontinuo, diario. Kada un di nos mester identifiká ku un himno bieu ku ta bisa: “Lihé pa dual, Señor, mi ta sintié, Lihé pa bandoná e Dios ku mi ta stima”. Profundo den nos kurason, nos sa ku e palabranan aki ta bèrdat. Nos kurason ta, en realidat, lihé pa dual. Nos mente ta drif bai for di loke ta eterno na loke ta mundano. Nos pensamentunan ta bira asina fásilmente for di loke ta selestial na loke ta terenal. Demasiado biaha ta parse ku nos ta sklavisá na kustumbernan profundamente establesé. Tin biaha nos mes aktitut i reakshonnan ta laga nos babuká. I esei ta pasobra, komo resultado di piká, nos naturalesa a kai (Jer. 17:9). Nos tendensia natural ta pa bira for di e kaminda di Dios na esun di nos mes (Isa. 53:6). Huntu ku apòstel Pablo nos ta sklama, “O hende miserabel ku mi ta” (Rom. 7:24), i huntu ku David nos ta roga, “Revivá mi, o Señor, di akuerdo ku bo miserikòrdia” (Salmo 119:159).
Posted on: Sun, 30 Jun 2013 03:29:33 +0000
Trending Topics
Recently Viewed Topics
© 2015