Editorial : Kohhran Inrelbawlna Kum 20 chuang lai mai Pathian kaihhruaina kan Kohhran hian kan lo dawng tawh a, kan la dawn chhunzawm zel theihna’n Kohhranhote pawh Pathian tana kan inpek deuh deuh a pawimawh hle. Presbyterian Kohhran hi kan rama Kohhran dangte nena kan danglamna lian tak chu Inkhawmpui rorel leh Committee rorel hmangtea kan inkaihhruaina hi a ni awm e. Kan Kohhran Upa leh Committee-ten theihtawp chhuahin Kohhran an kaihruai mek a, sawiselna tur an tam lem lo viauvin a lang. Hma lakna tura rorelte hi tun dinhmun leh nakin thlir chung zela kan kalpui hi a fuh hle a ni. Kohhran tam tak kan la phak lohna langsar tak chu Inkhawm hunbi neih chungchangah hian a ni awm e. Kohhran tam zawk hi chuan sik leh sa inthlak milin Inkhawm hun bi nghet an nei a,kan Kohhran pawh hian hunbi neiin hun kan lo hmang tawh thin a, kan hunbi lo hman dan kha siam that a tul pawha siam thain hmang leh thei ila a duhawm hle. Zing Tawngtai Inkhawm pawh hi tun ang renga kan kal chuan a tam zawkina hlawkpui lem lovin kan awm reng thei. Zing Inkhawmah pawh hian mipui tam zawk huap thei tura tan hun te pawh hi kan ruahman a tha hle. Kohhran dang zing Tawngtai Inkhawma kal tha em em thinte pawh hi hunbi nei tha an ni tlangpui.
Posted on: Sun, 04 Aug 2013 02:32:22 +0000
Trending Topics
Recently Viewed Topics
© 2015