FIFA WORLD CUP 2014 FINAL THLIRLAWKNA ARGENTINA Goalkeepers:Sergio Romero (Sampdoria), Mariano Andujar (Catania), Agustin Orion (Boca Juniors) Defenders: Pablo Zabaleta (Manchester City), Federico Fernandez (Napoli), Ezequiel Garay (Benfica), Marcos Rojo (Sporting Lisbon), Hugo Campagnaro (Inter Milan), Martin Demichelis (Manchester City), Jose Basanta (Monterrey) Midfielders: Javier Mascherano (Barcelona), Fernando Gago (Boca Juniors), Lucas Biglia (Lazio), Ricardo Alvarez (Inter Milan), Augusto Fernandez (Celta Vigo), Angel Di Maria (Real Madrid), Maxi Rodriguez (Newells Old Boys), Enzo Perez (Benfica) Forwards: Lionel Messi (Barcelona), Gonzalo Higuain (Napoli), Sergio Aguero (Manchester City), Rodrigo Palacio (Inter Milan), Ezequiel Lavezzi (Paris Saint-Germain) Tulai khawvel a mi tam lemin player thiemtak nia an ngai Lionel Messi inrawina hnuoia Argentina chun Thi vang vang a hring zing siin an hung kai tung ṭhet2 a, Final chu an hung tlung ve tah a nih. An player pawimaw Angel Di Maria khawm final khel thei nawk ngei dinga ngai a ni leiin fans tam tak chu an thla a muong sawt a nih. Argentina khel hi en chun attacking an ṭhat leia final an kai ti ngam a ni chie nawh a, a tlar hnung tieng hai zar a kai an ni ti inla inkhel kher naw nih. An goalkeeper Romero a tha hle a, Benfica defender Garay le Man City defender pahni Zabaleta le Demichiles hai bak a Basanta a ngir ve a, an ni ṭhangpuitu dingin khawvel a defensive midfielder tha pawl tak Javier Mascherano a um nawk bawk. An ni zar hin muong takin a tlar hmasatieng khawmin ngam pachang takin an nawr ngam a, amiruokchu an harsatna pakhat chu goal thun hi a nih! Final an panna lampui a hin Thi vang vang a hring zing siin lung inphu det detin fans hai an mi siem a, lungril sawl takin an mi siem ngun hle, amiruokchu a tawp a chu hadamna le lawmna an min tlun nawk hlak. Hang thlir veng veng chun Germany hne thei ding chun ringzo an um chie naw a, inhma laia an lo intawkna hai hei en kir lem chu luhipna ding deu ngawt a nih. Amiruokchu Messi, Di Maria, Higuain, Aguero hai hin a hun tak a goal an insurtir thei naw ding ti ziek a um nawh. GERMANY Goalkeepers:Manuel Neuer (Bayern Munich), Roman Weidenfeller (Borussia Dortmund), Ron-Robert Zieler (Hanover 96) Defenders:Jerome Boateng (Bayern Munich), Kevin Grosskreutz (Borussia Dortmund), Erik Durm (Borussia Dortmund), Benedikt Hoewedes (Schalke 04), Mats Hummels (Borussia Dortmund), Per Mertesacker (Arsenal), Philipp Lahm (Bayern Munich) Midfielders:Julian Draxler (Schalke 04), Matthias Ginter (Freiburg), Mario Gotze (Bayern Munich), Christoph Kramer (Borussia Moenchengladbach), Sami Khedira (Real Madrid), Toni Kroos (Bayern Munich), Thomas Muller (Bayern Munich), Mesut Ozil (Arsenal), Lukas Podolski (Arsenal), Marco Reus (Borussia Dortmund), Andre Schuerrle (Chelsea), Bastian Schweinsteiger (Bayern Munich) Forward:Miroslav Klose (Lazio) Germany hai hi chu an goal thun zat ding hrildik hi an tak a nih! Group stage ah Ghana an in draw pui trum khan an defender pawimaw Hummels a um naw an lang khawp el a, tuta World Cup a chu team in balance pawl tak an nih a, attacking an tha a, defence khawm inhliem an um naw chun an khawng fek fawk hle a, an midfield hlak chu khawvel a player tha thal thlang khawm ti thei hiel khawp a tha filawr an ni tawl a. Germany fans hai ta dinga thil lawmum pakhat chu an goalkeeper Manuel Neuer hi keeper chau naw khawm out-field player tha a ni lei hin thlamuong a um zuol hle. Khawvel a team tha tak tak Portugal, France le Brazil hai hneban thei team kha an ni tlat leiin Argentina hai chu zamna met chu nei ngei an tih. Final a hin tu tu khawm hratna chang thei ve ve an nih a, amiruokchu pum an inthlauna le tlan hrat a zawng a Germany in advantage an hau hle a, Argentina tieng hin goal thun harsa an ti zie chu hmutu hai seng ei ni leiin, Germany in Brazil defence line an ṭhiek laklaw angin Argentina hai an sawi nawk chun final a en inhawi ta naw hleng a tih. Squad enin Germany chu suong an um hle a, final inkhelna ding hmun enin Argentina hi zam naw lem deu an tah. Germany hin zuom suol thei ngai an ni a, Argentina hin defence lai che buoi thei ngai an ni bawk! Ka lo thlirlawk dan a chu Argentine patehre deu deu hai hin German hai counter attack an ngam rek ka ring nawh!
Posted on: Fri, 11 Jul 2014 19:18:18 +0000
Trending Topics
Recently Viewed Topics
© 2015