HLAWHCHHAMNA HLAWHTLING Mi hlawhtlingte hlawhtlinna phena hlawhchhamna hi i ngaihtuah ngai em? Hlawhtlinna lamtlunga khawkrawk leh bumboh hi zawh i zuam chiah em le.? Hmuchhuaktu ropui Thomas Alva Edison khan hlawhtling taka Bulb a siam chhuah dawn khan vawi engzat fakau nge a tihsual ang le? Beidawngin tawpsan tase sathau khawnvar hnuaiah kan la in rim mai lo maw? Evander Holyfield an Tysona a hneh hma khan vawi engzat nge chak lo dinhmunah a din tih i ngaihtuah ngai em? Film khawvela ropui leh fakawm ber pawl Avatar hlawhtlin puitu James Cameron khan he film siam tur hian kum engzat teh meuh nge a inbuatsaih kha.? I kal theih hma khan kal i tuma vawi tam i tlu a, vawiinah chuan i tlan theih tak hi! Hlawhtlinna phenah hian hlawhchhamna a awm a, chu hlawhchhamna a tawpsan lote chu mi hlawhtlingte an ni. Chakna hi chakna a ni lova, chak lohna pawh hi chak lohna a ni hek lo. Mi chakin a chakna chhuangin a chhiatpui fova, a chakna chu chak lohna a hruailuttu ani thei asin! Chak lohna hi chakna tura bul tan that leh theihna hun remchang a ni tih pawm thiam tan chuan amah ti chaktu a ni thung! Hlawhtlinna tak tak duh mi chuan than zel chakna a nei a, than zelna chu danglamna a ni tih a hria. Danglamna chuan thil hriatsa atanga hriat ngai loh thlenga engpawh huama tlan luh a phut nghal bawk. Eng thil pawh, i duh zawng tak a nih tak meuhva, theihtawp chhuaha i thawh ngat chuan, hlawhtlinna thutiam an keng veka, pianpui finna leh thiltihtheihnain bul tan mah se a thawk zotu chu thawhrimna a ni tho tho! Ms-a Chhakchhuak Ethel Zotluangpuii Renghang
Posted on: Thu, 11 Sep 2014 01:15:43 +0000
Trending Topics
Recently Viewed Topics
© 2015