"Hvernig geta bankar náð svona hagnaði út úr samfélagi sem er enn í sárum?" Stutta svarið er: Af því að allt ríkiskerfið er maðkað og gjörspillt í samansúrrun með stórþjófum og bankaræningjum og vinnur beinlínis í þágu þeirra. Og af því að óbreyttur almenningur lætur draga sig í dilka, alveg vinstri hægri og jarmar svo sem sauðir að þetta reddist, hljóti bara að reddast einhvern veginn. En hverjir eiga að redda þessu? Hinir möðkuðu og gjörspilltu og stórþjófarnir og bankaræningjarnir? Hafa allir gleymt 9 binda skýrslunni um hrunið? Nei, almenningur þarf að rísa upp og hætta að jarma sem sauðir og krefjast uppgjörs, heiðarlegs uppgjörs er varðar alla fortíðina sem leiddi til hrunsins og öll eftirmál þess þegar bankarnir voru endur-einka(vina)væddir í samansúrrun með ríkiskerfinu. Að ríkiskerfið vinni beinlínis í þágu hrægamma og blóðsuga, en gegn almenningi er beinlínis atlaga ríkiskerfisins gegn lýðræðinu. Það er fasismi þegar bankar, stórfyrirtæki og ríkiskerfið vinna saman að því að blóðmjólka almenning viðkomandi þjóðar, í þessu tilviki almenning íslenskrar þjóðar.
Posted on: Fri, 30 Aug 2013 18:58:46 +0000