KA NU..!! Khatia inrinni tuka lui kal ka tum lai tak a, ka sama min kêk bet a, i kapkarah, i mala min chilhbet chunga ka hrik i en a, i vam rik karh karhlaia ka thinrim zia kha! Chawhnuah, phûr ve em emin, kan thenawm mipa naupang min sualrawn ziahtute an ngal khawilai berah nge ka chhuih pâwn ang a, ka chhuih duk ang tia phûr em em a inngaihtuah chunga ka uniform pheikhawk atan hial ka lo dil cheu ngat, ka kungfu shoe ngei mai bun ap chunga rang tâwka ka tlanchhuak tur ka chhîp sama min kaih lawp mai kha... Nawhlunga a khât mawi tawka min chhu fawk fawk chunga min han buala min han nâwtlui tlat mai ka huat a ka huatzia mai kha aw.. Ka nu chu ni lo la ka kungfu shoe khan ka chhuih ve chiang ngawt ang che!! Mahse, khati ang khawpa enkawl har leh mikhirh min han sawpzi zawi hnak mai kha zawng, ka vawiin timawitu hi a lo va han ni chiang em!! He ka thinlungpu chung hian kokir leh thei ila, ka kawng zawng zawng hi ka chhîpsama kêk chung leh, nawhlunga min chhu fawk fawk chung khan min khalh ngilsak la... Ka kal thiam ve deuh tur! Mahse! KA NU, kha mipakhat min kawh hmuh Isua khan, englai pawhin, nang aiin min la hmangaih cheu tih i sawi thin kha, i kianga ka awm lohlai pawhin Dâwt ani lo tih Amah ngei chuan min hrilh thin asin!! KA NU, i bula ka awm loh hian, sawi ngam lo mah ila, ka ngai thei khawp mai che! Dâwt min lo hrilh loh avang khan KA LAWM E AW !!
Posted on: Fri, 06 Sep 2013 17:40:43 +0000
Trending Topics
Recently Viewed Topics
© 2015