Ka nu, I fapa hi min han en teh. I rila rah, i hnute hne-a seilian ngei ka ni asin. Min enkawl peihlo chu ni la harsa ti tak chuan ka pawm thei mai in ka ring. Mahse, ‘Ka fapa pawh i ni lo’ tih tawngkam kher maw min cheh khum tak a! I fapa ka nilo maw? Ka nilo takzet maw? I fa atan i lak chawp mai ka nilo tih haider tur hi chuan ka mawl tawh biklo asin. Tuna ka dinhmun thleng tura a ka thil paltlangte hi ka’n hrilh ang che aw… I duh leh i beng hup la maimitchhing ta che.. Mahse chutianga i awm rual chuan ka sawi ai fiah zawk leh chiang zawkin i mitthla leh bengah a rawn lang ngeiin ka ring… Ka la hre reng asin pawlthum ka nih laia ka thutpuipa Pencil ka ruk kha… khami tum khan engtin nge min tih kha(h)? A u ten min rawn zawh lai pawh khan ‘ka fapa hian mi thil a la ngai lo’ tiin tawngkam mawihnailo nen ilo ankhum chiam a tiraw? Khatih lai khan engatinge min tan? Engatinge min vuak loh? Engatinge ka sualna hliahkhuh tur a tan i lak le… Khatih lai khan pencil kha ka lukham hnuaiah ka dah reng asin… min zawt la, min dawp ta che… Thiamthu sawi tur neilo ber i khenbeh duh tak siloh ah chuan kha thil thleng khan ka nun a her danglam a, ka mit in a itzawng hi ka kuta awm turin ka taksa hi a che thin. Rukru nih inhre reng mah ila ka kulhpui bera thiam ka channa khan sual a ni tih min haider tir thin asin. Ka thlavang hauh tlat tu nu ka nei che kha ka chhuang thin ngawt mai che. A hunlai kha chuan ‘Nu’ ka nei hliah hliah che asin. Rawlthar nun ka han tem ve tan a, zial ka zuk ruk ka pa hriat i hlauh zia kha.. keimah ai pawhin i hlau zawk hial tiraw? Ka u in ka pa hnena a sawi tum pawh khan ka tan hian thinrim hmaisen teuhin i tang tih ka hria asin.. theih nise ka pa kha kut rawn thlak hial ka duh.. I hmangaihna kulhpui chhungah chuan ka him thin si a… A hnu lawkah ka pa ngeiin ka zial zu ru min man ta a nih kha… min beng a, min hlap a.. ka nu i lam ka rawn pan a i tang ka belh vang khan ka pa khan a hnawtchhuak che a nih tiraw… ka hrethiam thei lo a hun lai khan, fate kutthlak duh pa ka nei a, nupui then hmang pa ka nei bawk a… ka rilru mangang kha ilo kir leh hnu pawh khan min hriatthiam pui thin a nih kha…Mahse ka nun khan a zo mawlh silo. Ka zan leng ru ka pa laka thiamthu min sawipui thin laite khan lawmna chang reng ka hre tawh lo…Nu in a tih tur a ti ni-ah ka ngai mai. A tam lutuk ka sawi vek dawn lo. Ka zu-in, damdawi tilai te vawi engzatnge min phawk tak le? Min hmangaihtu chuan chhungte hriatloha thian ka kawm min la phalsak hlauh zel a nih kha…Ka chhuah dawna ruilo tura min chah thin kha chu engtiklai mahin ka rawn zawm haw thei ngailo kha a nia, chu pawh chu min hringtu meuh chuan min la ngaithiamin chhungte hmuhah min mutbo tir a, ka sawi pawh ngai loin ka nawmsam loh thuin i van phahnem tak em.. Hetiang em em a min hmangaihna hi a sang em a, ka nun hian a zo lo a ni e. Mahse maw nu, he khawvelah hian nang lo chu nu ka nei hauh lo. Nangin min pawm lo mahla ka tan chuan ‘KA NU’ i ni reng ang. Engtin pawh awm la, engtin pawh awm mah ila mifa niturah ka indah ngai lo. Nang hi ka nu, ka sentet laia duat taka min chawitu ka innghahna leh ka engkim kha ila ni reng asin…Ka nu ka hmangaih che.
Posted on: Wed, 11 Sep 2013 19:30:06 +0000
Trending Topics
Recently Viewed Topics
© 2015