Khawvel ram kan thlir chuan an Politician leh ram hruaitu lu te hi thiamna leh sang leh thuk tak tak an ni hlawm a. United States Cabinet Secretaries te hi han en ila an an Secretary of Commerce Penny Pritzker te hi khawvela University tha bera ngaih Harvard University atanga Economics graduate a nih bakah Stanford University atanga Jurist Doctor (Ph.D in Law kan tih ang deuh hi) leh MBA chhuak a ni a, an Agriculture Secretary, Tom Vilsack te pawh hi Jurisct Doctor a ni mai bakah, Jurisprudence lama mi thuk ti-a khawvelin an hriat lar a ni bawk a. Tin, an Energy Secretary Ernest Moniz te phei hi chu Stanford University atang ngata Physics subject a Doctorate degree nei leh Physics kaihhnawih lehkhabu tam tak lo siam tawh thin kha a ni nghe nghe a. Tin, India ramah han let ila, kan Union Minister hlui leh thar zinga a lawk zual hote hi thiamna lama thuk tak tak leh sang tak tak vek an ni a. Tuna kan Finance Minister nilai Arun Jaitley te hi kum 40 dawn kaltaa Delhi University atanga Law gruadate leh Supreme Court Advocate hlui bakah kum 1989 – 1991 VP Sighn Sawrkara Addl. Solicitor General lo ni tawh thin a ni a. Kan Home Minister Rajnath Singh te pawh hi Physics-a First Division ngat a Master Degree hlawhchuak thei a ni. Chubakah kan Minority Affairs Minister, Nejma Heptullah hi Zoology Department-a Ph.D ngat a ni nghe nghe a. Kan Railway Mnister Suresh Prabhu phei hi chu Law graduate a nih mai bakah Chartered Account hial a ni nghe nghe a, sang tak a ni. Tin, kan Finance Minister hlui P.Chidambaram phei hi chu MA a nih bakah Corporate Lawyer hmingthang tak thin a ni a. Harvard Bussiness School-a MBA pass chhuak ngat a ni bawk. UPA Sawrkara External Affairs Minister lo ni tawh thin Natwar Singh te pawh hi kum 1953 daih tawha IFS a lo inziak tling thei tawh a ni nghe nghe. Heng kan sawi bak, Union Cabinet lawk tam tak, UPA leh NDA Sawrkar hluia mite pawh hi Doctorate Degree leh Master Degree nei lo an nih pawhin a lo berah Law graduate deuh vek an ni a. Amercia, British Cabinet te ho zawng zawng pawh mak tak maiin Law graduate deuh vek an lo ni. Kan Freedom Fighter ho pawh kha Law gruaduate an ni deuh vek bawk a. Ram hruai tha tur hian Law background nei leh Dan lama mi thiam leh thukte hi an lo pawimawh dawn khawp maia te ka ti rum rum mai. Chutianga kan mi ram leh kan ram (Union government) a rorelna fawng chelhtute hi thiamna lama mi chhuanawm leh thuk tak tak deuh vekte an nih avang leh dan lama tawnhriat nei deuh vekte an nih hlawm avangin an thu khel a puiin Parliament vela an debate te pawh hi ngaihthlak a manhlain a ngaihnawm thei em em a. Lok Pal Bill chungchanga Constitution leh Law of Nature kalh a ni em tih chungchanga Supreme Court Adcocate hlui, Addl. Solicitor General hui ni bawk Arun Jaitley leh MA mai bakah Harvard Law University atanga Constitutional Law subject a Doctorate Degree nei Abhisek Singhvi te debate phei kha dan lama mi thuk ve ve a ni bawk a, bengvar hawkna tham a tling. (a youtube video ka rawn post tel e) Kan ram, Zoram hruaitute han en ve thung hi chuan pianphung finna lama mi tha leh fel tak tak an nih hlawm vek laiin thiamna lama thuk leh ril hi an vang em em a. A tam zawk phei hi chu Law Degree leh Master Degree , Doctorate Degree chu sawi loh Class 12 takngial pawh pass lo te an ni nawk hlawmin a lang a. Hei hi ka hmuhsit vang lam ni lovin thahnemngaihna vang zawk a ni e. Pianphung finnaa fel tak tak ni mah se, kan thiamna leh degree in mi a a cheldelh loh hi chuan ram hruainaah thil theih loh leh harsa chin hi a awm hma em em a. Engemaw ram hnuk khawih thil tak takah an pianphung finna te hman theihlohna chin a awm vangin an Secreatry te kutah engkim a awm loh theih lih phah thin a. Chu chuan Democracy hmel a ti khingbaiin engemaw chenah good governnace a awm loh thin phah niin a lang. Chuvangin, kan Politcal party tin te hian Inthlan leha MLA Candidate kan siam hunah tlema thiamna lama mi thuk leh hawizau deuhhlekte han chhawpchhuak ve thei tawh se la ka ti hle mai. Zoram vei a na thin e…
Posted on: Tue, 11 Nov 2014 15:17:25 +0000
Trending Topics
Recently Viewed Topics
© 2015