Maghaharap ng walong testigo ang prosekusyon laban sa binansagang pork barrel queen na si Janet Lim Napoles sa pagdinig sa kasong serious illegal detention sa Setyembre 27. Ayon kay State Prosecutor Christopher Garvida, ihaharap nila ang mga testigo sa hearing kaugnay ng urgent petition for bail ni Napoles. Sa Lunes, Setyembre 23 kasabay ng pagbasa ng sakdal kay Napoles, una nilang naisip na iharap ang mga testigo pero hiniling nila kay Judge Elmo Alameda ng Makati City Regional Trial Court (RTC) Branch 150 na isagawa na lang sa Biyernes, dahil kabilang din ang mga testigo sa ipinatawag ng Senado sa Martes. Kapwa-akusado ni Napoles sa kaso ang kapatid na si Reynald Lim na patuloy pa ring tinutugis ng mga awtoridad. Report from Henry Atuelan, Radyo Patrol 44
Posted on: Sat, 21 Sep 2013 23:56:54 +0000