Mimal induhsakna a awm lo: PWD PWD chuan, Vaivakawn-MZU kawng chu hun rei tak ngaihsak hlawh loa a awm hnuah, tuna sorkar mein JNNURM hnuaiah project siamin, sorkar laipui aṭangin a siamna tur sanction vbc. 19.07 a hmu a, first installment pawh June 2012-ah hmuh a nih thu an sawi a, "Hna hi tender-in, contractor hnenah pek a ni a, amaherawhchu hna ṭan a nih hnu rei lo têah fûrin a nan buai avangin hna chhunzawm mumal theih a ni lo," an ti. Vaivakawn-MZU kawng chungchanga TV leh chanchinbu ṭhenkhata chief minister puhmawhna lang chu sawifiahin, PWD chuan, kawng laih zauh hna thawh tuma tender chhangtu paruk zingah tualchhung mi pali an awm tih an sawi a; mahse Mizo contractor-te chuan tehfungte zinga mi, kum thum kal ta chhunga an hnathawh leh hna thawk tura a dinhmun (bid capacity)-ah an tling lo vek niin an tarlang. PWD chuan, hna thawk tur tehfunga tling zinga a rate hniam, GP Project chu PWD-in a thlang niin an sawi a; kawng chhuat phah hna thawk turin ABCI Infrastructure Ltd. leh Sunshine Overseas Pvt. Ltd ten tender an chháng a, a chháng hniam zawk Sunshine Overseas chu dan angin an thlang niin an sawi bawk. Aizawl khawpui chhung kawngpui leh Tuirial-Serchhip kawng siam tura tender chhangtu zingah pawh Sunshine Overseas chu rate hniam ber a nih avanga thlan a nih thu PWD chuan an tarlang a, "Mimal induhsakna a awm lo a, contractor-te tender chhannate comparative statement leh document engkim PWD office-ah a duh tan en theih vek a ni," an ti. - See more at: vanglaini.org/tualchhung/7525?utm_source=feedburner&utm_medium=feed&utm_campaign=Feed%3A+VanglainiDailyFeed+%28Vanglaini+Daily+Feed%29#sthash.cQTk5hHx.dpuf
Posted on: Tue, 27 Aug 2013 08:41:49 +0000
Trending Topics
Recently Viewed Topics
© 2015