Moharram Hiqayat/Wakiya . Part : 24. AZRAK PAHALWAAN . Maidan e Karbala me tab Hazrat Imaam Hussain Razi Allahu Ta’ala Anhu k ahbaab sahid ho chuke aur aapke bhanje aur bhatije bhi jam e sahadat nosh farma chuke toh phir Hazrat Imaam Hasan Razi Allahu Ta’ala Anhu k sahabzaade Hazrat Kaasim Razi Allahu Ta’ala Anhu maidan me tashrif laaye. . Aapko dekhkar yazeedi lashkar me khalbali mach gai. Yazeedi lashkar me ek shakhs azrak pahalwaan bhi tha. Use mishr wa saam wale 1000 jawano ki taakat ka maalik samjhte the. Yeh shakhs yazeed se 2000 dinar salana pata tha. Karbala me apne 4 takatwar beto k saath mouzud tha. Hazrat Kaasim Razi Allahu Ta’ala Anhu maidan me aaye toh mukabale me aane k liye koi taiyyar na hua. Ibne sa’ad ne azrak se kaha ki kaasim k mukabale me tum jao. Azrak ne isme apni touhin samjhi aur mazburan apne bade bête ko yeh kehkar bhej diya ki mere jaane ki kya zarurat hai, mera beta abhi kaasim ka sar leke aata hai. . Chunanche uska beta Hazrat Kaasim k mukabale me aaya. Hazrat Kaasim k haath badi jillat se mara gaya. Uski talwar par Hazrat Kaasim ne kabza kar liya aur phir lalkara ke koi dushra hai toh mere saamne aaye. Azrak ne apne bête ko yu marte dekha toh bada roya aur gusse me aakar apna dushra ladka mukabale me bhej diya. Hazrat Kaasim Razi Allahu Ta’ala Anhu ne dushre ko bhi maar daala. Azrak ne bokhla kar tishra ladka bhi bheja toh Kaasim Razi Allahu Ta’ala Anhu ke haatho wah bhi maara gaya. Ab toh Azrak ki aankho me andhera chha gaya aur gusse me deewana hokar khud maidan me aa gaya. Hazrat Kaasim ke mukabale me azrak ko dekhkar Hazrat Imaam Hussain Razi Allahu Ta’ala Anhu ne haath uthaye aur dua ki. Aye mere moula! Mere kaasim ki laaz tere haath me hai. Log dono ki ladai dekhne lage. Azrak ne pe dar pe 12 neze mare. . Hazrat Kaasim ne sab radd kar diye. Phir usne jhallakar Hazrat Kaasim k ghode ki pust par neza maara. Ghoda maara gaya. Hazrat Kaasim paidal reh gaye. Hazrat Imaam Hussain Razi Allahu Ta’ala Anhu ne fauran dushra ghoda bhej diya. Hazrat Kaasim ne us par sawar hokar mutwaatir neze mare. . Azrak ne rok liye aur talwar nikal li. Hazrat Kaasim ne bhi talwar nikal li. . Azrak ne talwaar dekhkar kaha ki yeh talwar toh mene 1000 dinar me kharidi thi aur 1000 dinar me chamkawai thi,tumhare paas kaha se aagai?? Hazrat Kaasim ne farmaya tumhare bade bête ki nishani hai. Yeh tumhe iska maza chakhane k liye mujhe de gaya hai. Saath hi yeh bhi farmaya ki tum ek mashur sipahi hokar qadr be-yehtiyati se kaam lete ho ki maidan me ladne k liye aa gaye aur ghode ka tang dheela rakhte ho,ise kasa bhi nahi. Wah dekho jin ghode ki peeth se fisla hua hai. Azrak yeh dekhne k liye jhuka hi tha ki Hazrat Kaasim Razi Allahu Ta’ala Anhu ne KHUDA ka naam lekar aisi talwaar maari ki azrak ke wahi 2 tukde ho gaye. (Tazkira Safa-80) . Sabak : Ahle bet Inzaam k mukaddas afraad talwar k fan se khub waakif the. Hame bhi aise fan se waakif hona cahiye taaki koi aisa waqt aa jaaye toh Hazrat Kaasim Razi Allahu Ta’ala Anhu ke sadke me hum bhi baatil ke daant khatte kar sake.. •••••••••••••••••••••••••••••••••••••••••••••••••••••• Hadees: --------- Hazrat Sayyaduna Ushman Gani Radhi Allahu Ta’ala Anhu se riwayat hai ki HUZUR SALLALAHU TA’ALA ALAIHI WASALLAM ne farmaya . jis shakhs ne duniya me Aulaad e Abdul Muttalib ya Aulaad e Bani Hasim yaani Ahle Bait se kuch neki ya kuch achchha suluk ya ehsaan kiya phir wah ahle bait uska badla na de sake toh qayamat ke din us sayyed ki taraf se main pura – pura badla ada karunga. (Sawaike Muhrika,Safa-792) . SALLALLAHU TAALA ALAIHI WASALLAM♥♥♥
Posted on: Thu, 14 Nov 2013 06:52:42 +0000
Trending Topics
Recently Viewed Topics
© 2015